Lucas 6:25 - Ing Mayap a Balita Biblia

²⁵ Kalulu na kayu, ikong ating labis-labis a pagkabie, uling dumanup kayu! Kalulu na kayu, ikong magsaya king tula, uling tumangis kayu!

Lucas 6:25 Iomraidhean Croise

Ding Dalit 49:19

makanyan man potang mate ya ding makatua na akayabe na la; manatili ya kapilan man king karalumduman.

Ding Kasebian 14:13

Asalikut ning ayli ing lungkut, oneng kayari ning saya ya ing sakit lub.

Ding Kasebian 30:9

Malyaring kakung sabian ing e ra ka balu o e ra ka kailangan, nung sobra ing babie mu kaku. Malyaring manako ku, nung mamulubi ku at layun kang malapastangan, O kakung Dios.

Ecclesiastes 2:2

Kamangmangan mu ing sasagakgak king tula at alang ibungang mayap ing pamagkusuelu king laman.

Ecclesiastes 7:3

Maygit ya ing kalungkutan kesa king sagakgak; mapalyaring malungkut ka lupa, oneng kilub masaya ka.

Ecclesiastes 7:6

Ing sagakgak ning mangmang lalagutuk anting mitataung suksuk; alang bitasang kabaldugan.

Isaias 28:7

Paid-paid la pati na ding propeta at pari king pamaglakad da uli na ning kalasingan da. Mangatisud la at mangasakab uli na ning milalung pamaninum dang alak at aliwa pang matapang a inuman. King milalu dang pangalasing ding propeta, e ra na la akuang aintindian detang vision a parala na ning Dios. Antimu rin, tutu la namang malasing ding pari, inya e ra na la akuang alulutas ding kasung lalapit da ring tau karela.

Isaias 65:13

Inya naman sasabian ku kekayu king mika atin lang labis-labis a pamangan at inuman ding sasamba at mamintu kanaku, oneng dumanup kayu at kumau. Maging maligaya la, oneng mipahamak kayu.

Isaias 8:21

Maggala-gala la ding tau king mabilug a bansa; maina la lub at maranup. King uli na ning danup da at mua isumpa re ing ari da at ing karelang Dios. Talanga la banua

Isaias 9:20

Makanyan man, maniamsam la ding tau king nanumang bage a malyari dang apangan, oneng e la kumabsi. Kanan da pati na ding sariling anak da!

Amos 8:10

Gawan ku lang aldo ning pamangutkut mete ding kekong piesta, at alilan ku lang pamanangis ding masaya yung pamagkanta. Pasatsat ku la kekayu ding buntuk yu at papamiblasan da kayung imalan a magaspang. Mangari kayu karing pengaring manangis king pangamate na ning bugtung dang anak a lalaki. Maging maplas ya ing aldong ita angga king kawakasan na.

Nahum 1:10

Anting makakulaput a suksuk at malanging are, masilab kayu ngan!

Lucas 12:20

Oneng ngana ning Dios keya, Mangmang! Ngening bengi mate ka; kaninu mipunta ing pibandian a tinipun mu?

Lucas 13:28

Tumangis kayu at mitigis a ipan kabud akit yung atyu la king Kayarian ning Dios di Abraham, Isaac, Jacob, at ding sablang propeta, oneng ikayu naman mitabi kayu.

Lucas 6:24

Oneng kalulu na kayu, ikong mabandi ngeni; tikman yu na ing kanawan!

Lucas 6:26

Kalulu na kayu, ikong pupurian da ring tau, uling makanyan munaman ing pamipuring depat da ring makatua da karing e tutung propeta.

Lucas 8:53

Keylian de ngan uling balu ra king ing anak mete ya.

Efeso 5:4

Antimu rin ing nanumang bage manong o salitang alang kabaldugan at pamamiru a ala king lugal. Nune, pasalamat kayu king Dios.

1 Tesalonica 5:3

Potang sasabian da ring tau, Payapa at panatag ing sabla-sabla, biglang datang ing kasiran. E la makaligtas uling ing paniatang na niti kalupa na ning pamiramdam ning babaing manganak.

Santiago 4:9

Pagkalungkutan yu, kumiak kayu, at tangisan yu; alilan yung pamanangis ing kekayung sagaksak, at alilan yung lungkut ing kekayung tula!

Kapahayagan 3:17

Sasabian mu, Mabandi ku at labis-labis king sablang bage! Oneng e mu balu king tutu kang gipit at makalunus! Kalulu ka, lubas, at bulag.

1 Samuel 2:5

Detang mabsi ila naman ngening makiupa ba lang mangan kabang ding danupan ngeni mabsi no man. Pitu ya ayanak ing babaing baug, at magdusa ya ing babaing dakal a anak.