Lucas 6:23 - Ing Mayap a Balita Biblia

²³ Tumula kayu at magsaya potang mapalyari na ita, uling maragul ing ablas a makapanaya kekayu karin banua. Makanyan kabud ing depat da ring karelang makatua karing propeta.

Lucas 6:23 Iomraidhean Croise

2 Samuel 6:16

Kabang lulub la king siudad, makatando ne man ketang awang i Mikal a babaing anak nang Saul. Mesora ya inyang ikit neng lundag-lundag at terak-terak i David.

1 Ari 18:4

Inyang pepapate na lang Jezebel ding propeta na ning Ginu, kinua na lang Obadias ding dinalan a propeta at selikut na la karing aduang kueba; tia limang pulu king balang kueba. Kaybat peparalan na lang pamangan at inuman.)

1 Ari 19:10

Nganang mekibat, Mangatmu kung katapatan keka, O Ginung Dios a Mayupaya. E re tiparan ding memalen ning Israel ing kasunduan a gewa mu karela, lesak da la ring altar mu, at pete ding propeta mu king kapamilatan na ning espada. Aku na mu ing mitagan at panintunan da ku pa ban paten.

1 Ari 19:14

Pekibat na, Mangatmu kung katapatan keka, O Ginung Dios a Mayupaya. E re tiparan ding memalen ning Israel ing kasunduan a gewa mu karela, lesak da la ring altar mu, at pete ding propeta mu king kapamilatan na ning espada. Aku na mu ing mitagan at panintunan da ku pa ban paten.

1 Ari 19:2

Inya peparala yang tubud i Jezebel kang Elias ban sabian ing anti kaniti: Makanyan at maygit ing parusang daptan da kanaku ding dios, nung anggang bukas king oras a anti kaniti, e ku daptan keka itang depatan mu karing propeta.

1 Ari 21:20

Inyang ikit neng Ahab i Elias, sinabi na, A, atyu ne naman ing kakung kalaban! Ngana namang mekibat Elias, Wa, ikit da ka uling migbabad ka king dapat a e mayap king akakit na ning Ginu.

1 Ari 22:27

Sabian yu karela king isukul de at dinan mung tinape ampon danum angga king ligtas kung makapagbalik.

1 Ari 22:8

Nganang mekibat Ahab, Atin, i Micaia a anak nang Imla. Oneng kasaman ke, uling ala ya pang inula a mekakayap mo sa kanaku; puru e mayap ing pepasari na. E mu sukat sabian yan, Makamal a Ari, nganang sinabing Jeosafat kang Ahab.

2 Ari 6:31

Ngana, Mananu na sanang paten na ku ning Dios nung ngeni e ke pa pepatabtab a batal i Eliseo a anak nang Safat!

2 Cronica 36:16

Oneng ding tau ininsultu da la ring tubud ning Dios, tinggian da la ring amanu na, at gewang pikaylian ding propeta na angga king mikalabkab ing mua na ning Ginu karing tau at ala nang makaligtas pa king mua na.

Nehemias 9:26

Oneng linaban la keka; e la memintu karing utus mu, linele re ing Kautusan mu. Pete da la ring propeta a babie babala karela ban mibalik lub keka. Dinapat lang maragul a kalapastanganan keka.

Ding Dalit 58:11

Kanita karelang sabian, Talaga palang miyablasan lang mayap ding makatuliran, at ating Dios king yatu mamatul!

Isaias 35:6

Ding pile lundag la at terak, at kulisak la ding pipi king tula ra. Magus ing danum libutad ning disyerto;

Jeremias 2:30

Perusan da kayu, oneng iti e mekakayap kekayu; e yu buri ing sasabianan da kayu. Anti kayu king mabangis a leon, pete yu la ding kekong propeta.

Malakias 4:1

Daratang ne ing aldo nung kapilan ding taung mapagmatas at e mayap masilab lang kalupa na ning are, nganang sasabi ning Ginung Mayupaya. King aldong ita masilab la at alang mitagan metung man karela.

Mateo 5:12

Tumula kayu at magsaya uling mikamaragul kayung ablas karin banua. Makanyan da la namang ligalig ding propetang minuna kekayu.

Lucas 1:41

Inyang dimdam nang Elizabeth ing pamagmananu nang Maria, ginalo ya ing anak king atian na. At i Elizabeth, kitmuan king Banal a Espiritu,

Lucas 1:44

Uling kabud dimdam ku ing kekang pamagmananu ginalo ya ing anak king atian ku king tula.

Lucas 6:35

E makanyan! Sukat yu lang luguran ding kekayung kalaban, at daptananan yu lang mayap. Mamaram kayu, at e na kayu manenayang mibayaranan pa. King anti kaniting paralan tanggap kayung maragul a ablas at maging anak na kayu ning Kakataskatasan a Dios, uling maganaka ya agyang karing alang pasalamat at marawak.

Ding Dapat 14:10

sinabi nang masikan keya, Tikdo ka at talakad kang matulid! Linundag ya ing taung lumpu at miglakadlakad ya.

Ding Dapat 3:8

mipalundag ya, ikua nang mekatalakad at megumpisa yang linakad. Kaybat, tikian na lang linub king Templo, ngananang lumakad, ngananang lundag, pupuri at pasalamat king Dios.

Ding Dapat 5:41

Meko lang kitmuan tula ding apostol king arap ning Konsehu, uling ila meyakit lang karapatdapat dumalan kaligaligan alang-alang king lagyu nang Jesus.

Roma 5:3

Oneng aliwa mu iti ing malyari tamung ikatula. Malyari tamung tumula karing kekatamung kasakitan; balu tamu king ding kasakitan mamunga lang kapibabatan,

2 Corinto 12:10

Inya king uli nang Cristo, e baling maina ku, maiinsultu, mipasakitan, malulupig, at magugulu. Uling nung kapilan ku maina, kanita na ku man masikan.

Colosas 1:24

Ngeni, alang-alang kekayu, matula ku king kasakitan a daralanan ku. Uling king kasakitan na ning katawan ku, makasaup kung miganap king kasakitan na pang makatagan Cristo para king katawan na a alang aliwa nune ing iglesia.

2 Timoteo 2:12

Nung manatili tamung mibabata, makipag-ari tamu munamang kayabe na. Nung tanggian ta ya, tanggian na katamu munaman.

Hebreo 11:26

Kilala na king ing dumalan kamarinayan alang-alang king Cristo a maygit e palak a ulaga kesa king sablang pibandian na ning Ehipto; akilala na iti uling e na pitda ing lawe na king ablas ning aldo bukas.

Hebreo 11:6

E ne apaligayan ning ninuman ing Dios, nung ala yang kasalpantayanan. Uling ing ninuman lalapit king Dios kailangan nang salpantayanan king ating Dios, at ing Dios ya ing mamablas karing sablang manintun keya.

Santiago 1:2

Kekayu ngan sablang kapatad ku, nung miraras kekayu ing miyayaliwang kapagsubukan, sukat yu iting ibilang antimong tula

1 Pedro 4:13

Nune sukat yung ikatula ing mirarakayanan kayu king kasakitan nang Cristo ban potang mipakilala na ing kaligayan na, mikatmuan kayung tula.

Kapahayagan 2:17

Nung atin kang balugbug, makiramdam ka king sasabian na ning Espiritu karing iglesia! Karing magtagumpe, ibie ku ing makasalikut a manna a manibat banua. Ibie kia munaman king balang katau ing maputing batu nung nu ya makasulat ing metung a bayung lagyu a alang makibalu nune mu itang tanggap kaniti.

Kapahayagan 2:26

King magtagumpe at makatupad king kaburian ku angga king kawakasan, ibie ku ing upayang sumakup karing sablang bansa, anti ing binie na kanaku ning Ibpa.

Kapahayagan 2:7

Nung atin kang balugbug, pakiramdaman mu ing sasabian na ning Espiritu karing iglesia! Ibie ku karing magtagumpe ing katuliran mangan king bunga na ning tanaman ning bie a atyu king Hardin ning Dios.

Kapahayagan 21:7

Iti ya ing tanggapan na ning magtagumpe: Aku ing maging Dios na at ya ing maging anak ku.

Kapahayagan 3:12

Gawan keng matibe asias king Templo na ning kanakung Dios ing magtagumpe at manatili ya karin kapilan man. Isulat ke keya ing lagyu na ning kanakung Dios at ing lagyu na ning siudad ning kanakung Dios, ing bayung Jerusalem a kuldas king banua ibat king kanakung Dios. Isulat kia naman keya ing bayu kung lagyu.

Kapahayagan 3:5

Mipaimalanan lang maputi ding magtagumpe at e ku la ilako ding lagyu ra king libru na ning bie. Kilalanan ku ing kanaku la king arap ning Ibpa ku at king arap ding anghel na.