Lucas 6:19 - Ing Mayap a Balita Biblia

¹⁹ Pagkapilitan deng atagkil ding sablang tau, uling pakayapan na la ngan ning upayang lulual kang Jesus.

Lucas 6:19 Iomraidhean Croise

2 Ari 13:21

Misan a aldo, kabang mangutkut lang mete ding Israelita, ikit deng lulusub ing metung karing grupu da ring Moabita. Inya inatsa da nia mu ing bangke king kutkutan nang Eliseo, at kaybat milayi na la. Mebie ya at tinalakad inyang digpa ya ing bangke karing butul nang Eliseo.

Mateo 14:36

Inawad da ing paintulut na ing atagkil de ring masakit agyang ita mung gilid na ning imalan na. Kinayap lang lubus ding sablang mekatagkil kaniti.

Marcos 3:10

Dakal ne pepakayap, inya pilulupungan de ring sablang maki sakit ba re mu mang atagkilan.

Marcos 5:30

Inyang dimdam nang Jesus king ating upayang linual keya belikdan na la ding tau at nganang kinutang, Ninu ing tinagkil king imalan ku?

Marcos 6:56

Nu ya man munta karing balen, siudad o baryu bibili da la ring tau ding karelang masakit karing plasa, at aduan da kang Jesus ing paintulutan na la sana agyang makatagkil mu man king lilip nang imalan. Kinayap la ding sablang mekatagkil king lilip ning imalan na.

Marcos 8:22

Miras la Betsaida. Dela de ring mapilan a tau kang Jesus ing metung a bulag at pekisabi ra king tagkilan ne.

Lucas 5:17

Misan a aldo kabang tuturu ya i Jesus, makalukluk la ding mapilan a Pariseo at talaturu ning Kautusan a menibatan karing miyayaliwang balen ning Galilea, Judea, ampon ibat Jerusalem. Ing upaya nang pakayap ning Ginu atyu kang Jesus.

Lucas 6:18

ban makiramdam kang Jesus at paulu karing karelang sakit. Dinatang la naman ding liligaligan da ring marawak a espiritu at kinayap la.

Ding Dapat 19:12

Pati ding panyu at sakbibing ginamit na kakaskas da la karing masakit at milalako ing sakit da at linual la karela ding marawak a espiritu.

1 Pedro 2:9

Oneng ikayu metung kayung lahing mepili, pari kayung susuyu king Ari, banal kayung bansa, at memalen a pepasubali na ning Dios, at pinili nang magsalita karing makapagmulala nang dapat. Inaus na kayu ibat king karalumduman at linipat na kayu king makapagmulala nang sala.