Lucas 6:13 - Ing Mayap a Balita Biblia

¹³ Inyang mayabak na, inaus na la ding alagad na. Memili yang labing adua kareti at inaus na lang apostol:

Lucas 6:13 Iomraidhean Croise

Mateo 10:2

Ila deti ring lagyu da ring labing aduang apostol: i Simon (a mayayaus Pedro) at i Andres a kapatad na; i Santiago at i Juan a kapatad na, ding anak nang Zebedeo;

Mateo 19:28

Nganang Jesus karela, Ini ing tandanan yu: potang mag-ari yang mitmung kaligayan ing Anak ning Tau king Bayung Panaun, ikayung labing adua a tinuki kanaku lukluk kayu naman karing labing aduang tronu ban manatul karing labing aduang tribu na ning Israel.

Mateo 9:36

Panakit na karing dakal a tau, melunus ya uling magugulu la isip at e ra balu ing daptan da; anti lang tupang alang pastul.

Marcos 6:30

Migbalik la ding apostol at belita da kang Jesus ing sablang arapat da at tiru.

Marcos 6:7

Inaus na la ding labing adua at tiburan na lang tidua-tidua. Dininan na lang upayang makapalual karing marawak a espiritu

Lucas 11:49

Uli na niti, ing Kabiasnan na ning Dios sasabian na, Parala kung propeta karela at tubud; paten da la ring aliwa at lupigan da na la man ding aliwa pa.

Lucas 22:30

Mangan kayu at minum kayabe ku king Kayarian ku at lukluk kayu karing tronu ba yu lang ukuman ding labing aduang tribu na ning Israel.

Lucas 6:14

i Simon (a pemalagyuan na namang Pedro) at i Andres a kapatad na; i Santiago at i Juan, i Felipe at i Bartolome,

Juan 4:33

Inya megumpisa lang mikukutnanan ding alagad, Atin kayang migdalang pamangan keya?

Ding Dapat 1:13

Inyang miras la king siudad, tinaglus lang menik ketang kuartung karelang pitutuknangan: i Pedro, i Juan, i Santiago, i Andres, i Felipe, i Tomas, i Bartolome, i Mateo, i Santiago a anak nang Alfeo, i Simon a aktibista, at i Judas a anak nang Santiago.

Efeso 2:20

Mitalakad kayu naman babo rang pundasyun ding apostol at ding propeta, ing batung paniuluk ya i Cristo Jesus mismu.

Efeso 4:11

Ya ing minie regalu karing tau; binie na karing aliwa ing maging apostol la, karing aliwa naman ing maging propeta la, ding aliwa naman ing maging talapanaral la, pastor at talaturu.

Hebreo 3:1

Inya, kapatad kung banal at kalupa ku namang inaus na ning Dios, ganakan ye i Jesus a tinubud na ning Dios ban maging Pekapun ding Pari na ning kasalpantayanan tamu.

2 Pedro 3:2

Buri ku king e yu kakalinguan ing sinabi da ring banal a propeta kanitang minuna, at ing kautusan a binie na ning Ginu at Talapagligtas king kapamilatan da ring apostol a tinubud na kekayu.

Kapahayagan 12:1

Kanita linto ya king banua ing metung a makapagmulalang tanda: metung yang babaing makaimalan king aldo at makatuklu babo ning bulan. At atin yang labing aduang batuin ing koronang atyu king buntuk na.

Kapahayagan 18:20

Magsaya ka, O banua, uli na ning pangalasak na! Magsaya kayu ikayung mepili, apostol at propeta! Inatulan na ne ning Dios uli na ning depat na kekayu!

Kapahayagan 21:14

Atin yang labing aduang batung pundasyun ing pader na ning siudad, at makasulat la kareti ding lagyu da ring labing aduang apostol na ning Kordero.