Lucas 6:12 - Ing Mayap a Balita Biblia

¹² King panaun a ita, minukiat ya i Jesus king metung a bunduk-bundukan ban manalangin. Karin ya menatiling kabukas manalangin.

Lucas 6:12 Iomraidhean Croise

Ding Dalit 22:2

O Dios ko, aldo't bengi ikang kakung ausan; e ku mipaindatun kening kakung kabilian; obat e mu ku pa pakibatan?

Isaias 26:9

King bengi ikang pagnasan na ning kakung pusu; ing espiritung atyu kaku taimtim na kang panintunan potang keka yang atulan ing yatu at ding tau, abalu ra kanita ing kabaldugan na ning kekang hustisia.

Daniel 6:10

Inyang abalitan nang Daniel king ing kautusan mepirma ne, minuli ya bale na. Ating awang ketang kuartu king kadua nang palapag ning bale na. Makayarap la ding awang king Jerusalem. Karin, antimo ing maralas nang gagawan, siniklaud ya arap ding makabuklat a awang at menalangin ya king Dios makatatlung besis patingapun.

Mateo 5:1

Panakit nang Jesus karing dakal a tau, minukiat ya king bunduk-bundukan. Inyang mekalukluk ne, linapit la ding alagad na.

Mateo 6:6

Nung manalangin kayu, munta kayu karing kuartu yu, isara ye ing pasbul at manalangin kayu king Ibpa yung e mayayakit. Ing Ibpa yung king lihim manakit king kekayung daraptan ablasan na kayu.

Marcos 1:35

Ganingaldo pa mibangun ne i Jesus. Minta ya king metung a lugal a tahimik lual ning balen at karin ya menalangin.

Marcos 3:13

Kaybat na nita, minta ya i Jesus king bunduk-bundukan at saka na la inaus ding pinili na at linapit la.

Marcos 6:46

Inyang mekapamun ya karing tau minukiat ya king bunduk-bundukan ban manalangin.

Lucas 5:16

Makanyan man, maralas yang pupunta i Jesus karing lugal a tahimik at karin ya manalangin.

Lucas 6:11

Oneng mikamas la kang Jesus at pisabisabi ra nung nanung malyari dang arapat laban kang Jesus.

Lucas 6:17

Kinuldas ya i Jesus king bunduk-bundukan a kayabe ra. Miras ya king kapatagan at disnan na la karin ding dakal karing alagad na. Atyu la naman karin ding dakal a taung menibatan king mabilug a Judea at Jerusalem at menibatan karin Tiro at Sidon, ding aduang siudad king lele ning dagat

Lucas 9:18

Misan, kabang manalangin yang dili-dili i Jesus, lepitan de ring alagad. Ninu aku agpang king sasabian da ring dakal a tau? nganang kinutang Jesus karela.

Lucas 9:28

Kalabas da ring walung aldo kaybat na lang sinabi deting bage, tiki na lang minukiat Jesus di Pedro, Juan at Santiago king bunduk-bundukan ban manalangin.

Lucas 9:29

Kabang manalangin ya, minaliwa ya itsura ing lupa na at meging makasilo king puti ing imalan na!

Juan 6:3

Minukiat ya i Jesus king bunduk-bundukan at karin linukluk yang kayabe da ring alagad na.

Colosas 4:2

Manatili kayung manalangin taimtim at e kayu mamatukba neng manalangin kayu at pasalamat kayu king Dios.

Hebreo 5:7

King kekaban na ning bie na king yatu, miyain yang panalangin i Jesus at menigapu yang masikan at menangis arap ning Dios a makapagligtas king kamatayan na. Uli na ning migpakumbaba ya at memintu, pekiramdaman ne ning Dios.

1 Samuel 15:11

Malungkut ku uling gewa keng ari i Saul; selangsangan na ku at e na la tiparan ding kautusan ku. Mimua ya i Samuel at kabukas yang menalangin king Ginu.