Lucas 5:8 - Ing Mayap a Balita Biblia

⁸ Inyang ikit nang Simon Pedro iting mepalyari, siniklaud ya arap nang Jesus at ngana, Dumayu ka kanaku, Ginu, uling tau kung palpikasala!

Lucas 5:8 Iomraidhean Croise

2 Samuel 6:9

Mitakutan ya king Ginu i David king aldong ita. Ngana, Makananu ke ngening aingat ing Kaban ning Ginu?

1 Ari 17:18

Ngana ning ima kang Elias, Talasuyu ning Dios, obat depatan mu iti kanaku? Dinatang ka wari keti ban ipaganaka mu la kanaku ding kasalanan ku king Ginu at paten ing anak ko?

Job 40:4

Migsalita kung kamangmangan, Ginu. Nanu ing apakibat ku? Isara ku ne ing asbuk ku.

Exodo 20:19

Ngara kang Moises, Makiramdam kami nung ika ing magsalita kekami, oneng e ne sana magsalita kekami ing Dios, pota mate kami.

Isaias 6:5

Kanita sinabi ku, Ala na kung kapanayan! Makalunus ku uling makasalanan la ding labi ku, at uling manuknangan ku libutad ding taung marinat a labi. Ngeni, ikit ke karing sarili kung mata ing Ari, ing Ginung Mayupaya!

Mateo 17:6

Inyang dimdam de ring alagad ing siwala mitakutan lang e mu nanu, inya mipasubsub la king gabun.

Mateo 2:11

Kalub da king bale, disnan de ing anak king siping nang Mariang ima na; siniklaud la king arapan na at simban de. Kaybat biklat da la ring regalung darala da, at dininan deng gintu, insenso, at mira.

Mateo 8:8

Ali pu, nganang tinutul ning kapitan, e ku pu karapatdapat tanggap kekayu king kanakung pibalebale. Sabian ya mu pu ing amanu at mipaldan ne ing ipus ku.

Lucas 5:7

Inya sininialan da la ring kayabe ra karing aliwang bangka ban lumapit la at sumaup karela. Linapit la at seke da la ring asan karing adua rang bangka. Halus mititiab la ding bangka king pangakatmu ra.

Lucas 5:9

Mengapamulala ya i Simon at ding kayabe na king keraklan da ring asan a arakap da.

Juan 11:32

Miras ya king lugal nung nu ya karin i Jesus. Panakit na kang Jesus siniklaud ya i Maria king arap na at ngana, Ginu, nung atyu ka keti e sana mete ing kapatad ku!

1 Corinto 13:12

Ngeni ing akakit tamu balamu larawan yang malabug king salamin; oneng datang ing aldo a akit ta yang lupa at lupa. Ditak mu ing balu ku ngeni; oneng king daratang a panaun maging ganap na, antimo nung makananu na kung balu ning Dios.

Kapahayagan 1:17

Inyang ikit ke, miragsa kung anting mete king arap na. Pinatung ne kanaku ing wanan nang gamat at ngana, E ka tatakut. Aku ing Mumuna at ing Katataulian!

Ukum 13:22

Nganang Manoa king asawa na, Siguradung mate kata, uling ikit te ing Dios!

1 Samuel 6:20

Ngara ding memalen na ning Bet Semes, Ninu ing malyaring marap king Ginu, ing banal a Dios? Nukarin ta ya malyaring padala ing kaban ban milaut ya kekatamu?