Lucas 5:5 - Ing Mayap a Balita Biblia

⁵ Nganang mekibat Simon, Maestro, kabukas na keng babaldug lambat, oneng e ke mekarakap nanuman. Makanyan man, nung ita ya ing yutus mu, ibaldug ku la ding lambat.

Lucas 5:5 Iomraidhean Croise

Ezekiel 47:10

Datang la king pampang na ding manasan at manibat king Engedi angga king Eneglaim mika masanting a lugal ban piyatsanan lambat. Mika marakal a asan a miyayaliwang uri anti king Dagat ning Mediteraneo.

Lucas 17:13

at kinulait la. Ngara, Jesus! Maestro! Malunus ka kekami!

Lucas 8:24

Lepitan de ring alagad i Jesus at ginising de. Ngara, Maestro, Maestro! Malapit ta na mung mangamate! Mibangun ya i Jesus at sebianan ne ing angin at ing mangaragul a alun. Tinuknang at mesalese ing panaun.

Lucas 8:45

Nganang mengutang Jesus, Ninung tinagkil kanaku? Alang minamin king ating tinagkil. At sinabi nang Pedro, Maestro, makapadurut la keka ding dakal a tau at misisiksikan la.

Lucas 9:33

Inyang lalakuan da ne i Jesus ding adua katau, nganang Pedro kang Jesus, Maestro, mayap ing keti ta na! Gawa tamung atlung kubu; metung para keka, metung para kang Moises, at ing metung para kang Elias. (Tune nang e balu ing sasabian na.)

Lucas 9:49

Nganang Juan, Maestro, menakit keng taung papalual karing demonyu king lagyu mu at bewalan mi ya uling e ya kayabe king grupu tamu.

Juan 15:14

Kakaluguran da kayu, nung tuparan yu la ding utus ku.

Juan 2:5

Nganang sinabing ima na karetang ipus, Daptan yu ing nanumang sabian na kekayu.

Juan 21:3

Manasan ku, nganang sinabing Simon Pedro karela. Tuki kami keka, ngara naman kang Simon Pedro. Meko la at sinake king bangka. Oneng ala lang arakap nanumang asan king kabukas a ita.