Lucas 5:34 - Ing Mayap a Balita Biblia

³⁴ Nganang mekibat Jesus, Isipan yu kaya king ding bisita king kasalan makapag-ayunu la kabang kayabe de pa ing lalaking kakasal? Agyang makananu ali la!

Lucas 5:34 Iomraidhean Croise

Ing Malagung Diling Kanta 5:8

O kebabainan ning Jerusalem, kekayu ipakisabi kung mayap; nung keko yang akit ing kakung pakamalan, kekong sabian king atin kung sakit a panamdaman, uli ning kapalsintan.

Ing Malagung Diling Kanta 6:1

O babaing alang kalupa king leguan, nukarin ya wari minta ing kekang pakamalan? Sabian mu nung nukarin ya minta, at saupan da kang manintun.

Isaias 54:5

Ing keka Miglalang mangari yang asawa keka, Ginung Mayupaya ing lagyu na! Ing banal nang Dios ning Israel ya ing magligtas keka; ya ing sasakup king mabilug a yatu!

Isaias 62:5

Mangari ya king lalaking makiasawa king babaing kakasal na, itang miyubug keka pakasalan na ka. Nung makananung ing lalaking bayung kasal mayayama ya king ayasawa na, ing kekang Dios makanyan yang mipamatulan keka.

Zepania 3:17

Ing Ginung kekang Dios atyu keka; dinan na kang tagumpe uli ning upaya na. Manakit yang tula keka ing Ginu, at king lugud na ibayu na ing bie mu. Magkanta ya at tumula keka,

Mateo 22:2

Ing Kayarian ning Banua kalupa ne niti: migtau yang maragul ing metung a ari para king kasal ning anak nang lalaki.

Mateo 9:15

Nganang mekibat Jesus, Malyari la waring lungkut ding kumbiradu king kasal kabang kayabe de pa ing lalaking kinasal? Ali la! Potang e ra ne kayabe ing lalaking kinasal, kanita la pa mu malyaring mag-ayunu.

Lucas 5:33

Ngara ding mapilan a tau kang Jesus, Parati lang mag-ayunu ampon manalangin ding alagad nang Juan at antimu rin ding alagad ding Pariseo. Oneng e la mangiling king pamangan at pamaninum ding alagad mu.

Lucas 5:35

Oneng datang ing oras a mikawani ne karela ing lalaking kakasal at kanita na la mag-ayunu.

Juan 3:29

Bandi ne ning lalaking kakasal ing babaing ikakasal na. Manenaya ya ing kakaluguran ning lalaking kakasal at makiramdam king paniatang na at maragul ing tula na kabud damdaman na ing bosis ning lalaking kakasal. Makanyan maging ganap ing tula ku ngeni.

2 Corinto 11:2

Daramdaman ku king kanakung sarili ing pangalalu a kalupa na ning pangalalu na ning Dios kekayu, uling mengari kayung dalagang birhen a pekitanguanan ku king metung a lalaki, i Cristo.