Lucas 5:30 - Ing Mayap a Balita Biblia

³⁰ Bubulung la ding mapilan a Pariseo at talaturu ning Kautusan at ngarang mengutang karing alagad na, Baket makipangan kayu at makipaninum karing talapanyingil buis at palpikasala?

Lucas 5:30 Iomraidhean Croise

Isaias 65:5

At sasabian da pa karing aliwa king e la sukat lalapit karela pota atagkil da la uli mo kanung tutu lang banal. E ku na la apibata deng taung makanyan! Mengari king aping e matatda ing mua ku karela.

Mateo 5:46

Nanung ablas ing panenayan yu king Dios nung luluguran yu la mu detang malugud kekayu? Agyang ding talapanyingil buis makanyan ing daraptan da!

Mateo 9:11

Ikit da iti ding mapilan a Pariseo at ngarang kinutang karing alagad na, Obat makisulu ya karing talapanyingil buis at karing makasalanan ing kekayung maestro?

Marcos 2:16

Ikit da iti ring mapilan a talaturu ning Kautusan a Pariseo at ngarang sinabi karing alagad nang Jesus, Obat makisulu ya karing talapanyingil buis at karing makasalanan?

Marcos 7:3

Uling tutukian da ring Pariseo at antimu rin ding sablang Judio ing turu a tinggap da karing karelang makatua: e la mangan anggang e la menos gamat anggang siku.

Marcos 9:16

Kitnan na lang Jesus ding alagad na, Nanu ing pakiargu yu karela?

Lucas 18:11

Tinalakad ya ing Pariseo at nganang menalangin king sarili na, O Dios, pasalamat ku keka king e ra ku kalupa ding aliwang tau; e ku mapanako, e ku mapamirait, e ku makipangalugud o kalupa na ning talapanyingil buis a ini.

Lucas 19:7

Mibubulungan la ding sablang menakit king mepalyari. Ngara, Makipagbisita ya king metung a makasalanan!

Lucas 5:17

Misan a aldo kabang tuturu ya i Jesus, makalukluk la ding mapilan a Pariseo at talaturu ning Kautusan a menibatan karing miyayaliwang balen ning Galilea, Judea, ampon ibat Jerusalem. Ing upaya nang pakayap ning Ginu atyu kang Jesus.

Lucas 5:21

Ngarang misabisabi ding talaturu ning Kautusan at Pariseo, Ninu iting magsalitang kalapastanganan king Dios? Alang makapamatawad kasalanan nune mu ing Dios!

Lucas 7:34

Dinatang ya ing Anak ning Tau; mengan ya at mininum alak at ngayu, Lawan ye iting tau! Matako ya at lasenggu ampon kakaluguran de ring talapanyingil buis at ding makasalanan!

Lucas 7:39

Inyang ikit na iti ning Pariseong mengumbira kang Jesus, sinabi na king sarili na, Nung ing taung ini tune yang propeta, sukat nang balu nung ninu at nung nanu yang uring babai ining tatagkil keyametung yang babaing palpikasala!

Ding Dapat 23:9

Mitas na lang mitas a bosis king pamagsalita ra. Tinalakad la ding mapilan a talaturu ning Kautusan a kapangkat da ring Pariseo at migprotesta lang masikan. Ngara, Ala keng akakit a pamikasala king taung ini! Mekad menakit ya pin o mekaramdam metung a espiritu o kaya metung a anghel!