Lucas 5:26 - Ing Mayap a Balita Biblia

²⁶ Lubus la ngan mengasdan! King mitmung takut, pinuri de ing Dios. Ngara, Makapagmulalang tutu ing ikit tamu ngeni!

Lucas 5:26 Iomraidhean Croise

Jeremias 33:9

Ing Jerusalem ya ing panibatan na ning tula, dangalan, at kapurian para kanaku, at mitakutan la ding balang bansa ning yatu, at galgal la potang damdaman da la ring mayap a bage a daptan ku para karing memalen na ning Jerusalem, at ibie ku ing pangapala keting siudad.

Hosea 3:5

Oneng datang ing panaun at pasibayu lang magbalik king Ginung karelang Dios at king metung a lahi nang David a karelang ari. Potang datang ne ing aldong ita, mika takut la king Ginu at tanggapan da ing kayapan na.

Mateo 12:23

Mengapamulala la ding dakal a tau at ngarang kukutang, Ya na kaya iti ing Anak nang David?

Mateo 28:8

Inya memalagua lang meko king kutkutan. Miyabe ing takut ampon ing tula da at pupulayi lang minta karing alagad.

Mateo 9:8

Inyang ikit da iti ding tau, tiblan na la ning takut at pinuri de ing Dios a minie king anti kaniting kayupayan karing tau.

Marcos 2:12

King akakit da ring sabla, tinalakad ya kanita mu rin ing paralitiko; biwat ne ing pagkeran na at meko ya. Mengapamulala la ngan at megumpisa lang minie kapurian king Dios. Ngarang sasabi, E ta pa ikit kapilan man ing anti kaniti!

Lucas 1:65

Tiblan na la ngan ning takut ding sablang siping dang bale at mikalat ing balita tungkul king mepalyari king mabilug a kabundukan na ning Judea.

Lucas 5:8

Inyang ikit nang Simon Pedro iting mepalyari, siniklaud ya arap nang Jesus at ngana, Dumayu ka kanaku, Ginu, uling tau kung palpikasala!

Lucas 7:16

Mitakutan la ding sabla at pinuri de ing Dios. Ngara, Linto ya libutad tamu ing metung a maragul a propeta! Dinatang ya ing Dios ba neng iligtas ing balen na!

Lucas 8:37

At ding sablang tau king Gerasa inawad da kang Jesus ing mako ya uling tutu lang mitakutan. Inya sinake ya i Jesus king bangka at meko ya.

Ding Dapat 4:21

Lalu na lang tintuan maigpit ning Konsehu at kaybat binulus da la. Ala lang ikit a sangkan para parusan da la uling pupurian de ring sablang tau ing Dios uli na ning mepalyari.

Galacia 1:24

Inya maragul ing pasalamat da king Dios alang-alang kanaku.