Lucas 5:25 - Ing Mayap a Balita Biblia

²⁵ Kanita mu rin, king akakit da ngan, tinalakad ya; kinua ne ing pagkeran na at minuli yang pupuri king Dios.

Lucas 5:25 Iomraidhean Croise

Genesis 1:3

Ngana ning Dios, Mika ating sala at linto ing sala.

Ding Dalit 33:9

Melalang ya ing yatu king metung nang amanu; minutus ya mu at ing sabla pepalto na.

Ding Dalit 50:23

Ing ninumang miyayain ain-a-kapasalamatan aku ing parangalan na; ing ninumang mabibieng makatuliran kaku tanggap yang kaligtasan.

Mateo 9:8

Inyang ikit da iti ding tau, tiblan na la ning takut at pinuri de ing Dios a minie king anti kaniting kayupayan karing tau.

Marcos 2:12

King akakit da ring sabla, tinalakad ya kanita mu rin ing paralitiko; biwat ne ing pagkeran na at meko ya. Mengapamulala la ngan at megumpisa lang minie kapurian king Dios. Ngarang sasabi, E ta pa ikit kapilan man ing anti kaniti!

Lucas 13:13

At timpak na lang Jesus ding gamat na king babai; kanita mu rin mekatalakad ya ing babai at pinuri ne ing Dios.

Lucas 18:43

Kanita mu rin menakit ya at tinuki ya kang Jesus at pepasalamat ya king Dios. Inyang ikit da iti ding tau, pinuri de ngan ing Dios.

Lucas 5:13

Inatiat neng Jesus ing gamat na at tigkilan ne. Ngana, Buri ku, kumayap ka! Kanita mu rin milako ya lepra ing lalaki.

Juan 9:24

Inya pasibayu deng inaus ing sadiang bulag at ngara keya, Sabian mu ing katutuan arapan na ning Dios! Balu mi king makasalanan ya ing taung ita.