Lucas 5:22 - Ing Mayap a Balita Biblia

²² Oneng balu nang Jesus ing karelang isipan, inya ngana karela, Baket makanyan kayu isipan?

Lucas 5:22 Iomraidhean Croise

1 Cronica 28:9

At ngana kang Solomon, Solomon, anak ku, kilalanan me sana ing Dios nang tata mu at suyuan me king mabilug mung pusu at king kaisipan at king mitmung katapatan, uling asasalugsugan na la ding sabla tamung isipan at kapagnasan. Siguradung akit me, nung panintunan me; nung lakuan me, lakuan na ka naman king kapilan pa man.

Ding Dalit 139:2

Balu mu ing sablang gagawan ku; agyang keng marayu aintindian mu ing isipan ku.

Ding Kasebian 15:26

Makasumami king Ginu ing kaisipan a e mayap, oneng tutula ya karing amanung mitmung lugud.

Isaias 66:18

Balu ku ing karelang isipan at ing karelang pamaniaptan. Daratang na ku ban tipunan ku la ding memalen da ring sablang bansa. Potang ikua ra nang mitipun akit da nung nanu ing arapat na ning upaya ku

Ezekiel 38:10

Iti ya ing sasabian na ning Ginung Dios kang Gog: Potang datang na ing oras a ita, magumpisa kang misip a e mayap a tangka.

Mateo 12:15

Inyang abalitan nang Jesus iti, meko ya king lugal a ita; at dakal lang tau ding tinuki kang Jesus. Pepakayap na la ngan ding masakit

Mateo 12:25

Balu nang Jesus ing karelang isipan, inya ngana karela, E ya manatili ing isanu mang bansa a misasagsag karing grupung milaban-laban. Misambulat ya ing isanu mang balen o pamilyang misasagsag karing grupung mipatepate.

Mateo 9:4

Balu nang Jesus itang atyu king lub da, inya ngana karela, Obat marawak kayu isipan?

Marcos 8:17

Balu nang Jesus ing karelang pisasabian, inya kitnan na la, Obat pisasabian yu ing ala kayung tinape? E yu balu at e yu pa aintindian? Tutu la waring maina ding kekayung pamisip?

Lucas 24:38

Inya nganang Jesus karela, Baket magugulu kayu at mikakunu?

Lucas 5:21

Ngarang misabisabi ding talaturu ning Kautusan at Pariseo, Ninu iting magsalitang kalapastanganan king Dios? Alang makapamatawad kasalanan nune mu ing Dios!

Lucas 5:23

Mayan sabian ing: Ding kasalanan mu mipatawaran la o Talakad ka at lumakad?

Ding Dapat 5:3

Nganang Pedro, Ananias, baket peintulutan meng mig-ari i Satanas king pusu mu at ituru na kang maglaram king Banal a Espiritu king pamilingad mu karing meging abli na ning kekang pibandian?

Hebreo 4:12

Uling ing amanu na ning Dios mabie ya at darapat ya. Maygit yang mataram kesa king nanumang espadang dobli taram. Managlus ya angga na king nung nu la mikakit ing kaladua at ing espiritu, angga na karing pisuglungan butul at utak da ring butul. Balu nang panuyatan pati na ing lihim nang buri at isipan ning tau.

Kapahayagan 2:23

Paten ku la naman ding anak na ban kanita abalu da ring sablang iglesia king aku ing susuri king pusu at isip da ring tau. Ablasan ke ing balang metung kekayu ketang depat yu.