Lucas 5:2 - Ing Mayap a Balita Biblia

² Ikit na lang makasadsad king pampang ding aduang bangka; sidsad da la reti ding manasan ban linisan da la ring karelang lambat.

Lucas 5:2 Iomraidhean Croise

Mateo 4:18

King pamaglakad nang Jesus king lele ning Dagat-dagatan ning Galilea, ikit na la ding mikapatad a manasan, i Simon a meyaus Pedro, at i Andres a kapatad na; mibabaldug lang lambat king dagat-dagatan.

Mateo 4:21

Sinulung na pa ing pamaglakad na at ikit na la ding adua pang mikapatad a anak nang Zebedeo, i Santiago at i Juan; atyu la king karelang bangka at kayabe re i tata ra. Sasadia da la ring karelang lambat. Inaus na la naman deti.

Marcos 1:16

Kabang maglakad ya i Jesus king lele na ning Dagat-dagatan ning Galilea, ikit na la ding mikapatad a manasan, i Simon at i Andres; yatsa re king danum ing karelang lambat.

Marcos 1:19

E ya pa makaing mirayu king pamaglakad na, ikit na la ding mikapatad a Santiago at Juan, ding anak nang Zebedeo. Atyu la king karelang bangka; sasadia da la ring karelang lambat.

Lucas 5:1

Makatalakad ya kanitang misan i Jesus king pampang ning Dagat-dagatan ning Genesaret at panikuanan da ring tau ing milapit kang Jesus ban makiramdam king amanu na ning Dios.

Lucas 5:3

Sinake ya i Jesus king metung kareting bangka, itang kang Simon at inawad na kang Simon king ilaut neng bagya king pampang. Linukluk ya i Jesus king bangka at tiru na la ding dakal a tau.

Juan 1:40

Ing metung karing aduang mekaramdam king pamagsalita nang Juan at tinuki kang Jesus ya i Andres a kapatad nang Simon Pedro.