Lucas 5:19 - Ing Mayap a Balita Biblia

¹⁹ Uling dakal la ding tau ala lang adalanan ba reng alub. Inya inukiat de king bubungan at biklas da la ring tisa at karin de bildug ing pagkeran na libutad da ring tau at king mismung arapan nang Jesus.

Lucas 5:19 Iomraidhean Croise

2 Samuel 11:2

Misan a gatpanapun, metudtud ya i David ban magpaynawa. Kagising na miglakad-lakad ya king babo ning palasyu. Karin ne ikit ing malagung babaing mandilu king bale ra.

Jeremias 19:13

Anti ing Tofet maging marinat la ngan ding bale ning Jerusalem at ding bale da ring ari ning Juda at pati na ding babo ding sablang bale nung nu la dinuluk insenso para karing batuin, at nung nu la mitugtug alak bilang ain karing aliwang dios.

Mateo 10:27

Ing sasabian ku kekayu king madalumdum, ulitan yu king masala, at sukat yung ikulisak ing sisitsit da kekayu.

Mateo 24:17

E ne titipa ing taung atyu king asotea na ning bale na at kumang ilual na king bale na.

Marcos 2:4

E re alapit kang Jesus uli na ning keraklan da ring tau, inya bikbak de ing bubung ning bale king tulid na. Inyang mekabusbus na lang pidalanan na, beba re ing pagkeran nung nu ya makakera ing paralitiko.

Deuteronomio 22:8

Neng pagawa kayung bale, parinan yu lang barandilyas ding babo yung bale ban e kayu mika pakibatan, nung sakaling ating taung manakbag.

1 Samuel 9:25

Kaybat meko la king lugal ning pisasamban at minta la king balen. Pigsadia reng tudturan i Saul babo na ning bale at migkera ne ban matudtud.