Lucas 5:13 - Ing Mayap a Balita Biblia

¹³ Inatiat neng Jesus ing gamat na at tigkilan ne. Ngana, Buri ku, kumayap ka! Kanita mu rin milako ya lepra ing lalaki.

Lucas 5:13 Iomraidhean Croise

Genesis 1:3

Ngana ning Dios, Mika ating sala at linto ing sala.

Genesis 1:9

Kaybat ngana ning Dios, Mitipun ing danum lalam ning banua king metung a lugal ban palto na ing malanging gabun. At ita ing milyari.

2 Ari 5:10

Mitubud yang ipus i Eliseo ban sabian kang Naaman ing munta ya king Ilug ning Jordan at karin na wasan pitung besis ing sarili na, at kumayap ne kanita king sakit nang lepra.

2 Ari 5:14

Inya dinulung ya i Naaman king Ilug ning Jordan at pitung besis yang migpalbug karin, antimo ing sinabi na ning propeta Eliseo. At kinayap ya. Meging malinis ing balat na anti ing balat na ning anak a malati.

Ding Dalit 33:9

Melalang ya ing yatu king metung nang amanu; minutus ya mu at ing sabla pepalto na.

Ezekiel 36:29

Iligtas da kayu king sablang bage a makarinat kekayu. Utusan kung magpakarakal ing binutil ban e yu na kapilan man dalanan pa ing danup.

Hosea 14:4

Nganang sasabi ning Ginu, Ibalik ku la kaku ding taung kakung memalen. Luguran ku la king mabilug kung pusu, uling e na ku mua karela.

Mateo 8:3

Tigkil neng Jesus ing leprosuan at ngana, Buri ku; kumayap ka! Kanita mu rin kinayap ya king lepra na.

Lucas 4:39

Lepitan ne king pagkeran na at inutus na king lagnat king lakuan ne. Likuan ne ning lagnat at agad-agad yang tinalakad at sinilbian na la.

Lucas 5:12

Misan a aldo, atyu i Jesus king metung a balen nung nune disnan ing metung a lalaking leprosuan king mabilug nang katawan. Inyang ikit ne i Jesus, migsakab ya king arap na at inawad na, Ginu, nung burian mu, apakayap mu ku!

Lucas 5:14

At nganang minie bilin Jesus, E mu paniabian iti kaninu man, nune munta ka king pari, palawe ka keya. Kaybat miyain kang ain antimo ing inutus nang Moises ban patunayan karing sabla king ngeni malinis na ka.