Lucas 5:12 - Ing Mayap a Balita Biblia

¹² Misan a aldo, atyu i Jesus king metung a balen nung nune disnan ing metung a lalaking leprosuan king mabilug nang katawan. Inyang ikit ne i Jesus, migsakab ya king arap na at inawad na, Ginu, nung burian mu, apakayap mu ku!

Lucas 5:12 Iomraidhean Croise

Genesis 18:14

Atin waring bage a e na arapat ning Ginu? Mikayanak neng lalaki i Sarah potang balikan da ka keng tutuking banua.

1 Ari 18:39

Inyang ikit da ring tau iti, migsakab la king gabun at ngarang migsalitang masikan, Ing Ginu Dios ya; bukud mung ing Ginu ya ing Dios!

2 Ari 5:1

I Naaman ya ing pekapun da ring sundalus ning Siria, marangal ya at kapuri-puring lalaki king akakit na ning ari ning Siria, uling king kapamilatan na pepagtagumpen na la ning Ginu ding sundalus ning Siria. Matapang ya, oneng atin yang sakit a lepra.

2 Ari 5:27

Inya milipat keka ing lepra nang Naaman at karing maging lahi mu king kapilan man. Mikasakit yang lepra i Gehazi; maputi yang anting yelu ing balat na inyang meko ya king arapan nang Eliseo.

2 Ari 7:3

Atin kanitang apat a taung maki sakit lepra at atyu la king pasbul dalan ning siudad. Ngara king metung at metung, Obat keti tamu manenaya king kamatayan tamu?

1 Cronica 21:16

Tinalanga ya i David at ikit neng makatalakad ing anghel ning Ginu pilatan na ning banua at yatu; atin yang tatalnan a espada at makaturu ya king Jerusalem. Inya i David at ding manimuna misulud lang imalan a magaspang at migsakab la king gabun.

Ding Dalit 50:15

King oras ning kekong kaguluan maus kayu kaku; iligtas da kayu at parangalan yu ku.

Ding Dalit 91:15

Potang maus la kaku kaku lang pakibatan; kaku lang saupan king karelang kagutgutan; kaku lang iligtas at parangalan.

Exodo 4:6

Ngana pa ning Ginu kang Moises, Ipalub me ing gamat mu king baru mu tulid ning salu mu. Memintu ya, at inyang ilual ne ing gamat na ikit ne king atin yang sakit a ketung; maputi yang anting yelu.

Levitico 13:16

Nung kinayap ya ing sagiwang laman at muti yang pasibayu, kailangan yang makikit pasibayu king pari

Levitico 9:24

Kabud-abud peparatang yang api ing Ginu, at silaban na ngan niting api ing ain-a-durulukan ampon ding miyayaliwang dake a maki taba a atyu king altar. Inyang ikit da iti mengapakulisak la at migsakab ding tau.

Mateo 26:6

Kanitang atyu karin Betania i Jesus, minta ya king bale nang Simon a leprosuan.

Mateo 9:28

Inyang mekasalangi ne king bale, linapit la kang Jesus ding aduang bulag. Kitnan na lang Jesus, Paniwalan yu king malyari kung arapat kekayu ing aduan yo? Opu, ginu! ngarang mekibat.

Marcos 5:23

at nganang mekisabing mayap, Mamamate ya pu ing anak kung dalagita. Nung malyari tuki kayu pu kanaku at itumpak yu la ding gamat yu king anak ku ba yang kumayap at e mate!

Lucas 17:16

Migsakab ya arap nang Jesus at pepasalamat ya keya. Samaritano ya ing taung iti.

Lucas 5:13

Inatiat neng Jesus ing gamat na at tigkilan ne. Ngana, Buri ku, kumayap ka! Kanita mu rin milako ya lepra ing lalaki.

Deuteronomio 24:8

Mingat kayu king mapanganib a sakit ning lepra. Pamintuan yung mitmung kaingatan ing ituru da ring Levitang pari, antimo ing inutus ku karela.

Hebreo 7:25

Inya agyu na lang iligtas ngeni at kapilan man ding sablang lalapit king Dios king kapamilatan na, uling mabie ya kapilan man ban mamilatan king arap ning Dios para karela.

Josue 5:14

Mekibat ya, E ku kakampi kenu man; atyu ku keti bilang pamuntuk da ring sundalus na ning Ginu. Migsakab ya i Josue king gabun bilang pamanyamba na at ngana, Talasuyu mu ku, ginu. Nanu ing buri mung daptan ku?