Lucas 5:11 - Ing Mayap a Balita Biblia

¹¹ Ginuyud da la king mamala ding bangka ra; likuan da ing sabla-sabla at tinuki la kang Jesus.

Lucas 5:11 Iomraidhean Croise

Mateo 10:37

Ninuman ing lulugud kang tata na o i ima na a maygit kesa kanaku e ya karapatdapat kanaku; ninuman ing lulugud king anak nang babai o lalaki maygit kesa kanaku, e ya karapatdapat kanaku.

Mateo 19:27

Kanita migsalita ya i Pedro, Lawan mu, likuan mi ing sabla at tikian da ka. Nanu ing malyari ming asahan?

Mateo 19:29

Bukud pa kanyan, ing balang taung mibatang likuan ne ing pibalebale na, ding kapatad nang lalaki at babai, ding pengari na, ding anak na o gabun a pibandian na alang-alang kanaku, tanggap yang makatadinalan maygit kareti, at midinan yang bie alang angga.

Mateo 4:20

Kanita mu rin likuan da la ring karelang lambat at tinuki la kang Jesus.

Mateo 4:22

Kanita mu rin likuan de ing bangka at i tata ra, at tinuki la kang Jesus.

Marcos 10:21

King mitmung lugud, linawe neng maratnang Jesus ing lalaki at ngana, Metung pang bage ing kulang keka. Muli ka, pisali mu ing sablang pibandian mu at ibie mu ing abli karing pakakalulu, at mika pibandian ka karin banua; kaybat tuki ka kanaku.

Lucas 5:28

Tinalakad ya i Levi, likuan na ing sabla at tinuki ya kang Jesus.