Lucas 5:10 - Ing Mayap a Balita Biblia

¹⁰ Makanyan ya namang mengapamulala i Santiago at i Juan a anak nang Zebedeo at kayabe nang Simon. Nganang Jesus kang Simon, E ka tatakut, manibat ngeni manasan kang tau.

Lucas 5:10 Iomraidhean Croise

Mateo 13:47

Ing Kayarian ning Banua kalupa nia naman ning metung a lambat a inatsa ra king dagat-dagatan; menikua yang miyayaliwang asan.

Mateo 14:27

Agad-agad yang minaus karela i Jesus. Ngana, E kayu tatakut! Aku i Jesus!

Mateo 20:20

Linapit ya kanita kang Jesus ing asawa nang Zebedeo; kayabe na la ding adua nang anak a lalaki. Uling atin yang buring aduan dinuku ya arapan na.

Mateo 4:19

Ngana karela, Tara, tuki kayu kanaku at gawan da kayung manasan tau.

Mateo 4:21

Sinulung na pa ing pamaglakad na at ikit na la ding adua pang mikapatad a anak nang Zebedeo, i Santiago at i Juan; atyu la king karelang bangka at kayabe re i tata ra. Sasadia da la ring karelang lambat. Inaus na la naman deti.

Marcos 1:17

Nganang Jesus karela, Tuki kayu kanaku at gawan da kayung manasan tau.

Lucas 5:7

Inya sininialan da la ring kayabe ra karing aliwang bangka ban lumapit la at sumaup karela. Linapit la at seke da la ring asan karing adua rang bangka. Halus mititiab la ding bangka king pangakatmu ra.

Lucas 5:9

Mengapamulala ya i Simon at ding kayabe na king keraklan da ring asan a arakap da.

Lucas 6:14

i Simon (a pemalagyuan na namang Pedro) at i Andres a kapatad na; i Santiago at i Juan, i Felipe at i Bartolome,

Juan 21:2

Miyabe-abe la di Simon Pedro, Tomas (ing mayayaus Kambal), Nathanael a tau Cana, Galilea, ding anak nang Zebedeo, at ding adua pa karing alagad nang Jesus.

Ding Dapat 2:4

Mikatmuan la ngan king Banal a Espiritu. Megumpisa lang migsalita karing miyayaliwang amanu, agpang king binie na karela ning Espiritu.

2 Corinto 8:23

Tungkul naman kang Tito, ya ing kayabe ku at kasaup kung susuyu kekayu. At tungkul naman karing kapatad a kayabe na ila ding pekakatawan da ring iglesia at babie lang ligaya kang Cristo.

2 Timoteo 2:26

Kanita lumino la pamisip at miligtas la king silu na ning diablo a mekabihag karela ban tupad king kaburian na.