Lucas 5:1 - Ing Mayap a Balita Biblia

¹ Makatalakad ya kanitang misan i Jesus king pampang ning Dagat-dagatan ning Genesaret at panikuanan da ring tau ing milapit kang Jesus ban makiramdam king amanu na ning Dios.

Lucas 5:1 Iomraidhean Croise

Ding Bilang 34:11

Taglus ya mauli na ning Harbel, king dane aslagan ning Ain angga king bunduk-bundukan at dane aslagan na ning pasigan na ning Dagat-dagatan ning Galilea

Mateo 11:12

Manibat na kanitang menaral ya i Juan a Maminyag angga na ngeni, ing Kayarian ning Banua e re patugutan ding taung e mayap a lub at sasamsaman deng sapilitan.

Mateo 14:34

Inyang mekadalakit na la king dagat-dagatan, sinadsad la Genesaret.

Marcos 3:9

Pepasadia neng Jesus karing alagad na ing metung a bangkang asakian na ba nang apangilagan ing pamisiksikan da ring taung daratang.

Marcos 4:1

Pasibayu yang tinuru i Jesus king lele na ning Dagat-dagatan ning Galilea. Pilupungan de ring dakal a tau, inya sinake ya king metung a bangkang makasadsad karin at linukluk ya karin. Atyu la king pampang ding dakal a tau, atyu na la lele na ning danum.

Marcos 5:24

Tinuki ne man i Jesus. At tikian de ring dakal a tau. Misisiksikan lang lelele kang Jesus.

Marcos 6:53

Inyang mekadalakit na la king dagat-dagatan sinadsad la Genesaret, at tinali re karin ing bangka ra.

Lucas 12:1

Kabang misisiksikan la ding libu-libung tau, angga king mipapandamusak na la, migsalita ya pa mung mumuna i Jesus karing alagad na. Ngana, Pangilagan yu ing lebadura da ring Pariseo. Ngaku wari, ing pamagbanal-banalan da.

Lucas 5:2

Ikit na lang makasadsad king pampang ding aduang bangka; sidsad da la reti ding manasan ban linisan da la ring karelang lambat.

Lucas 8:22

Misan a aldo sinake ya i Jesus king bangka; kayabe na la ding alagad na. Ngana karela, Tara, dalakit tamu kasumangid na ning dagat-dagatan. At megumpisa lang dinalakit.

Lucas 8:23

Metudtud ya i Jesus kabang maglayag la. Tiniup ing masikan a angin king dagat-dagatan at lulub ing danum king bangka. Mibili la king maragul a panganib.

Lucas 8:33

Inya linual la ding demonyu king tau at linub la karing babi. Dinulung ya ing mabilug a kawan babi king saug papunta king dagat-dagatan, at melumud la karin.

Lucas 8:45

Nganang mengutang Jesus, Ninung tinagkil kanaku? Alang minamin king ating tinagkil. At sinabi nang Pedro, Maestro, makapadurut la keka ding dakal a tau at misisiksikan la.

Juan 1:40

Ing metung karing aduang mekaramdam king pamagsalita nang Juan at tinuki kang Jesus ya i Andres a kapatad nang Simon Pedro.

Juan 6:1

Kaybat na nita, dinalakit ya i Jesus king kangatba na ning Dagat-dagatan ning Galilea (o Dagat-dagatan ning Tiberias).

Deuteronomio 3:17

Ing sakup dang gabun king dane albugan mamabut ya angga king Ilug ning Jordan, manibat king Dagat-dagatan ning Galilea angga king Dagat a Mete king dane mauli at Bunduk ning Pisga king dane albugan.

Hebreo 13:7

Ganakan yu la ding meging pamuntuk yu, ding sablang menaral king amanu na ning Dios kekayu. Ganakan yu nung makananu lang mibiebie at mete, at pakiapusan yu la king karelang kasalpantayanan king Dios.

Josue 12:3

kayabe ya ing Kapatagan ning Jordan manibat king Dagat ning Galilea papuntang mauli angga Bet Jesimot (dane aslagan ning Dagat a Mete) at papunta king lele na ning Bunduk ning Pisga.

Josue 13:27

King Kapatagan ning Jordan at pati na ing Bet Haram, Betnimra, Sukot, at Zafon, ing aliwa na pang dake ning kayarian nang Aring Sihon ning Hesbon. Ing angganan na dane albugan ya ing Ilug ning Jordan angga king Dagat ning Galilea dane norti.