Lucas 4:8 - Ing Mayap a Balita Biblia

⁸ Nganang mekibat Jesus, Ing Kasulatan sasabian na, Samban me ing Ginung kekang Dios at ya mung bukud mung suyuan.

Lucas 4:8 Iomraidhean Croise

2 Ari 19:15

at nganang menalangin, O Ginu Dios ning Israel a makalukluk king tronu babo da ring kerubin, ikang bukud ing Dios a sasakup karing kayarian. Ika ing linalang king yatu at king banua.

Ding Dalit 83:18

Pakilala mu karela king ikang bukud ing Ginu, ing Kakataskatasan a sasakup king mabilug a yatu.

Isaias 2:11

Datang ing aldo nung kapilan miyangganan ing ketasan na ning tau at malasak ing kapalaluan na. Kanita ing Ginu ya na mung bukud mirangal.

Mateo 16:23

Inarapan neng Jesus i Pedro at ngana, Mabating ka kagulutan ku, Satanas! Metung kang bisang munie sagabal kanaku. Ing pamisip mu e king Dios nune king tau.

Mateo 4:10

Pekibat nang Jesus, Mabating ka, Satanas! Uling ing kasulatan sasabian na, Samban me ing Ginung kekang Dios at ya mung bukud ing kekang suyuan.

Lucas 4:4

Pekibat nang Jesus, Ing Kasulatan sasabian na, E mu bukud king tinape ya mabibie ing tau.

Lucas 4:7

Iti ngan maging keka nung siklaud ka king arapan ku.

Deuteronomio 10:20

Pitakutan ye at galangan ing Ginung kekayung Dios; suyuan ye at maging tapat kayu king Dios. Bukud mung king lagyu na karin kayu gawang kapangakuan.

Deuteronomio 6:13

Sukat kayung tumakut at gumalang king Ginung kekayung Dios at suyuan ye. Bukud mung king lagyu na karin kayu mangaku.

Santiago 4:7

Inya, pailalam kayu king upaya na ning Dios. Labanan ye ing diablo, at dumayu ya kekayu.

1 Pedro 5:9

Labanan ye, kayabe ning tetagan ning kekayung kasalpantayanan, ngening balu yu king ding kalupa yung talasalpantaya king mabilug a yatu daralanan da naman ing kasakitan a kalupa na ning kekayu.

Kapahayagan 19:10

Migsakab ku king arap ban samban ke. Oneng sinabi na kanaku, E mu daraptan yan! Kalupa mu ku namang talasuyu at kapatad ding minie patutu tungkul kang Jesus. Ing Dios ya ing samban mu! Uling ing mihayag a katutuan tungkul kang Jesus ya ing kalamnan na ning sablang sinabi ra at sinulat ding propeta.

Kapahayagan 22:9

Oneng sinabi na, E mu sukat gawan yan! Uling talasuyu kung kalupa mu at kalupa da ring kapatad mung propeta at ding sablang tutupad karing amanung atyu keting libru. Ing Dios ya ing samban mu!

1 Samuel 7:3

Nganang Samuel karing memalen na ning Israel, Nung talagang bisa kayung magbalik king Ginu king mabilug yung pusu, sukat yu lang ilako ding dios a dayuan at pati na i Astarte. Italaga yu ing sarili yu king Ginu at ya mung bukud ing suyuan yu. Kanita iligtas na kayu karing Filisteo.