Lucas 4:7 - Ing Mayap a Balita Biblia

⁷ Iti ngan maging keka nung siklaud ka king arapan ku.

Lucas 4:7 Iomraidhean Croise

Ding Dalit 72:11

Ding sablang ari duku la arap na, at sablang bansa sumuyu la king kayarian na.

Isaias 45:14

Ngana ning Ginu king Israel, Ing pibandian ning Ehipto at ning Etiopia maging bandi mu at ding maragul nang lalaki ning Seba maging ipus mu la; makatanikala lang tuki keka. Duku la keka at karelang sabian; Ing Dios atyu keka; ya mung bukud ing Dios.

Isaias 46:6

Bubuklat do ring tau ding karelang suput, at gintu ing karelang bubulus; pilak karelang titimbangan. Manupa lang plateru ban gawa lang dios, at kaybat dukuan ampon samban.

Mateo 2:11

Kalub da king bale, disnan de ing anak king siping nang Mariang ima na; siniklaud la king arapan na at simban de. Kaybat biklat da la ring regalung darala da, at dininan deng gintu, insenso, at mira.

Lucas 17:16

Migsakab ya arap nang Jesus at pepasalamat ya keya. Samaritano ya ing taung iti.

Lucas 4:6

Ngana ning diablo, Ibie ku keka ing sablang kayupayan at ing sablang pibandian na ning yatu uling iti ngan miyabie kanaku, inya aibie ku kenu mang buri kung ibie.

Lucas 4:8

Nganang mekibat Jesus, Ing Kasulatan sasabian na, Samban me ing Ginung kekang Dios at ya mung bukud mung suyuan.

Lucas 8:28

Kinulisak yang masikan panakit na kang Jesus; migsakab ya arap na at ngana, Jesus, Anak ning Kakataskatasan a Dios! Nanu ing buri mung daptan kanaku? Pakisabi kung mayap keka ing e mu ku sana panasakitan!

Kapahayagan 22:8

Aku, i Juan, ing mekaramdam at menakit kareting bage. Kaybat kung dimdam at ikit ing sabla, migsakab ku ba kung samba king arap ning anghel a pepakit kanaku kareting bage.

Kapahayagan 4:10

ding aduang pulu't apat a makatua naman magsakab la king arap ning tronu at sasamban de itang makalukluk karin, ing mabie kapilan pa man. Yayain da la ring korona da arap ning tronu at sasabian da,

Kapahayagan 5:8

Inyang ikua na ne ing libru, migsakab la arap na ding apat a mabie lelangan at ding aduang pulu't apat a makatua. Ing balang metung karela atin yang alpa at silyo gintu a mitmung insenso, ing panalangin da ring taung pinili na ning Dios.