Lucas 4:4 - Ing Mayap a Balita Biblia

⁴ Pekibat nang Jesus, Ing Kasulatan sasabian na, E mu bukud king tinape ya mabibie ing tau.

Lucas 4:4 Iomraidhean Croise

Exodo 23:25

Nung samban yu ku, aku, ing Ginung kekayung Dios, bendisyunan da kayu; dinan da kayung pamangan, inuman, at ilako ku ing nanumang sakit libutad yu.

Isaias 8:20

Ipakibat yu naman karela, Makiramdam kayu king nanumang tuturu na kekayu ning Ginu! E kayu makiramdam karing makipagsalita karing espiritu da ring mete. Ala kayung akua king nanumang sabian da kekayu.

Jeremias 49:11

Lakuan yu la kanaku ding kekong ulila at ingatan ku la. Ayasahan da ku ring kekong mebalung babai.

Mateo 4:4

Nganang mekibat Jesus, Sasabian na ning Kasulatan, E mu bukud king tinape ya mabibie ing tau, nune king balang amanung manibatan king asbuk ning Dios.

Mateo 6:31

Inya e kayu paigulu isip kukutang: Nukarin kami kumang pamangan, inuman, at piblasan?

Lucas 22:35

Kanita kitang nang Jesus karela, Inyang tinubud da kayung alang pitaka, suput o sandalyas, kekulangan kayung nanu man? Ngarang mekibat, Ali kami.

Lucas 4:10

uling ing Kasulatan sasabian na, Itubud na la ning Dios ding anghel na ba ra kang ingatan.

Lucas 4:3

Ngana ning diablo, Nung ika ing Anak ning Dios, yutus mu kaniting batu ing maging tinape ya.

Lucas 4:8

Nganang mekibat Jesus, Ing Kasulatan sasabian na, Samban me ing Ginung kekang Dios at ya mung bukud mung suyuan.

Efeso 6:17

Isulud ye ing helmet a makaligtas, at gamitan yu ing amanu na ning Dios anting espadang binie ning Espiritu.

Deuteronomio 8:3

Gewa na kayung mapagpakumbaba; peparanup na kayu at kaybat pepakan king manna, ing pamangan a e yu bitasang balu o tikman ding makatua yu. Depat na iti ban ituru na king e ya bukud mabibie king tinape ing tau nune king balang amanung manibatan king Dios.