Lucas 4:39 - Ing Mayap a Balita Biblia

³⁹ Lepitan ne king pagkeran na at inutus na king lagnat king lakuan ne. Likuan ne ning lagnat at agad-agad yang tinalakad at sinilbian na la.

Lucas 4:39 Iomraidhean Croise

Ding Dalit 116:12

Nanu ing malyari kung ayampang king Ginu, uli ning sablang mayap a depat na kaku?

Marcos 1:29

Kanita mu rin meko ya king sinagoga i Jesus at ding alagad na at tinaglus la king bale da ri Simon at Andres. Kayabe da la ri Santiago at Juan.

Lucas 4:35

Nganang minutus Jesus king espiritung marawak, Magtahimik ka at lumual ka king lalaking yan! Bitbat ne ning demonyu ing lalaki king arapan da; linual ya at e ne penasakit mang bitasa.

Lucas 4:41

Pati demonyu linual karing taung dakal at kukulisak da, Ika ing Anak ning Dios! Oneng binawal na lang Jesus at e na la buring magsalita, uling balu ra king ya ing Cristo.

Lucas 8:24

Lepitan de ring alagad i Jesus at ginising de. Ngara, Maestro, Maestro! Malapit ta na mung mangamate! Mibangun ya i Jesus at sebianan ne ing angin at ing mangaragul a alun. Tinuknang at mesalese ing panaun.