Lucas 4:29 - Ing Mayap a Balita Biblia

²⁹ Tinalakad la at liwal de i Jesus king balen at dela re king bingit na ning bunduk-bundukan a katatalakaran na ning karelang balen ba reng inabu king bangin.

Lucas 4:29 Iomraidhean Croise

2 Cronica 25:12

Mekabihag la pang apulung libung sundalus. Dela da la king taluktuk ning Sela; tinulak da la karin at mete la karing batung atyu lalam.

Ding Dalit 37:14

Begut ne ing espada na ning taung e mayap, at inigut neng keyang pana ban na lang paten ding kalulu at gipit at pati na ding taung matulid.

Ding Bilang 15:35

Kanita ngana ning Ginu kang Moises, Sukat yang paten iting tau. Ilual ya king kampu at karin de basibasan batu ding memalen angga king mate ya.

Lucas 4:28

Mimua la ding sablang taung atyu king sinagoga inyang dimdam da iti.

Juan 8:37

Balu ku king lahi na kayung Abraham; makanyan man buri yu kung paten uling alang lugal ing tuturu ku karing pusu yu.

Juan 8:40

Oneng ngeni buri yu kung paten; akung taung maniabi kekayu king katutuan a dimdam ku king Dios. E anti kanyan ing depat nang Abraham!

Juan 8:59

Inya kinangwa lang batu ban basibasan de i Jesus, oneng sinalikut ya at meko ya king Templo.

Hebreo 13:12

King uli na mu rin niting sangkan, mete ya i Jesus lual ning pasbul balen ban alinis ne ing tau king kasalanan na king kapamilatan na ning sarili nang daya.