Lucas 4:25 - Ing Mayap a Balita Biblia

²⁵ Pakiramdaman yu ku: katutuan king dakal lang babaing mebalu karin Israel king panaun nang Elias inyang e minuran kilub ding atlung banua at kapitna, at mika maragul a danup king mabilug a bansa.

Lucas 4:25 Iomraidhean Croise

1 Ari 17:1

Ating metung a propeta a tau Tisbe, Gilead. Elias ing lagyu na. Nganang sinabi kang Aring Ahab, King lagyu na ning Ginu, ing mabie Dios ning Israel a kakung susuyuan, sasabian ku keka: e muran o mambun man kilub ding adua o atlung banua anggang e ku sabian.

Isaias 55:8

Ngana ning Ginu, Ding kakung isipan e da la kalupa ding kekong isipan, at ding kakung paralan makayaliwa la kekong paralan.

Mateo 20:15

E ku wari arapat ing buri kung daptan karing salapi ko? Pota galang mangalalu ka mu uli na ning maganaka ko?

Lucas 10:21

King oras mu ring ita kitmuan ya i Jesus king tula uli na ning Banal a Espiritu at sinabi na, Ibpa, Ginu na ning banua at yatu! Pasalamatan da ka uling pepabalu mu la karing e megaral ding bage a selikut mu karing biasa at megaral. Wa, Ibpa, iti depat mu uli na ning tula mu at kaburian.

Roma 9:15

Uling sinabi na kang Moises, Dinan keng lunus itang buri kung dinan, at lunusan ke itang buri kung lunusan.

Roma 9:20

Ninu mo ika, kakaluguran, para magsalita kang makanyan king Dios? Ing metung a lulanan a megawa king pila e na kukutang king taung ginawa keya, Obat makanyan mu kung gewa?

Efeso 1:11

At uli nang Cristo, meging balen na kami ning Dios a darapat karing sablang bage agpang king parasan na inyang pinili na kami keta pang minunang panaun.

Efeso 1:9

ban lubus tamung aintindian ing makalihim nang parasan. Iti ya ing parasan a daptan na king kapamilatan nang Cristo.

Santiago 5:17

Tau ya namang kalupa tamu i Elias. Taimtim nang penalangin ing e sana muran at e minuran kilub ding atlung banua at anam a bulan.

Kapahayagan 11:6

Atin lang upayang isara de ing banua ban e muran king panaun ning pamanaral da king amanu na ning Dios. Atin la namang upayang gawan dang daya ing danum at padalang salut king yatu kapilan man buri dang mapalyari.