Lucas 4:23 - Ing Mayap a Balita Biblia

²³ Ngana karela, Balu ku king sabian ye kanaku ing kasebian, Doktor, uluan mu ing kekang sarili. At sabian yu naman kanaku, Daptan mu munaman king kekang balen ing abalitan ming depat mu karin Capernaum.

Lucas 4:23 Iomraidhean Croise

Mateo 13:54

at migbalik ya king sarili nang balen. Tinuru ya king karelang sinagoga. Mengapamulala la ding mekaramdam kang Jesus. Nukarin na ibat ing anti kanyan a kabiasnan? ngarang kinutang. Makananu yang makarapat kareting milagru?

Mateo 4:13

E ya menatili Nazaret nune minta ya at menuknangan Capernaum; metung yang balen ing Capernaum king lele ning Dagat-dagatan ning Genesaret, king sakup ning Zebulun at Neftali

Mateo 4:23

Leganasan neng pintalan Jesus ing mabilug a Galilea; tinuru ya karing karelang sinagoga at penaral na ing Mayap a Balita tungkul king Kayarian ning Banua. Pepakayap na la naman ding tau king miyayaliwa rang sakit at kapanamdaman.

Marcos 6:1

Meko ya karin i Jesus at minuli ya king sarili nang balen, kayabe na la ding alagad na.

Lucas 2:39

Inyang atuparan da na ing sablang aduan na ning Kautusan ning Ginu, migbalik la Nazaret, Galilea, ing balen dang tibuan.

Lucas 2:51

Kayabe reng migbalik Nazaret i Jesus. Meging mapamintu ya karela. Sinikap na ngang Maria iting bage king pusu na.

Lucas 4:16

Kaybat na nita, mibalik ya Nazaret i Jesus, ing lugal nung nu ya meragul. King Aldo ning Sabbath, antimo ing ugali na, minta ya king sinagoga. Tinalakad ya ban mamasa karing Kasulatan.

Lucas 4:31

Kaybat na nita, minta ya i Jesus king Capernaum, ing metung karing balen ning Galilea. Tiru na la ding tau king Aldo ning Sabbath.

Lucas 4:35

Nganang minutus Jesus king espiritung marawak, Magtahimik ka at lumual ka king lalaking yan! Bitbat ne ning demonyu ing lalaki king arapan da; linual ya at e ne penasakit mang bitasa.

Lucas 6:42

Makananu mung sabian king kapatad mu, Kapatad, paburen mung idayu ke ing kekang puling ngening e me akakit ing trosung atyu king mata mu? Hipokrita! Ilako me pa ing trosung atyu king mata mu, at kanita masala meng akit at alako ing puling king mata ning kapatad mu.

Juan 4:28

Kanita likuan ne ning babai ing banga na at minta ya king balen at sinabi na karing tau,

2 Corinto 5:16

Uli na niti, ing paglalawe mi ngeni kaninuman e makatalakad king paniukad na ning tau. King milabas a panaun, makanyan ing panlalawe mi kang Cristo. Oneng ngeni e na makanyan.