Lucas 4:2 - Ing Mayap a Balita Biblia

² nung nu ne tiksuan ning diablo kilub ding apat apulung aldo. E ya bitasang mengan nanuman kilub da reting aldo, inya tutu yang danupan inyang milabas la.

Lucas 4:2 Iomraidhean Croise

Genesis 3:15

Mikasama kayu ning babai; milaban la ding anak na at ding anak mu. Lasawan de ring anak na ing buntuk mu, at tuktukan mu no man ding sakung da.

1 Ari 19:8

Mibangun ya; mengan at minum. Inya mibawi ing sikanan na ban makalakad ya kilub ding apat apulung aldo papunta king Bunduk ning Horeb, ing sagradung bunduk.

Ester 4:16

Sulung, tipunan mu la ngan ding sablang Judio king Susa, at mag-ayunu kayu para kanaku. E kayu mamangan o miminum kilub ding atlung aldo at bengi. Aku at ding damas ku mag-ayunu kami munaman. Kaybat, lapitan ke ing ari agyang iti labag king kautusan. E bala ing mate ku, nung iti ing kailangan.

Exodo 24:18

Minukiat ya i Moises king bunduk a mibalutan king biga. Menatili ya karin kilub ding apat apulung aldo at apat apulung bengi.

Exodo 34:28

Menatili ya karin i Moises a kayabe ning Ginu kilub ding apat apulung aldo at apat apulung bengi; e ya bitasang mengan at minum. Sinulat na la karing tinabas a batu ding amanu na ning kasunduan, ding Apulung Utus.

Jonas 3:7

Pepalual yang metung a kapabaluan karing memalen na ning Nineve. Ngana, Iti kautusan yang ibat king ari at karing pamuntuk na: Alang mamangan metung man kekayu; makabawal karing sabla: tau, baka, at tupa ing mangan la at minum.

Mateo 21:18

Kabukasan abak, kabang pabalik ya king siudad, dimdam na ing danup.

Mateo 4:2

Inyang i Jesus mekapag-ayunu neng apat apulung aldo at apat apulung bengi, tiblan ne ning danup.

Lucas 4:3

Ngana ning diablo, Nung ika ing Anak ning Dios, yutus mu kaniting batu ing maging tinape ya.

Juan 4:6

Atyu karin ing talaga nang Jacob, at anti na ning mapagal ya i Jesus king pamaglakbe na, linukluk ya lele ning talaga. Halus kaugtuan nang aldo tapat kanita.

Deuteronomio 9:18

Kaybat na nita, migsakab ku arapan na ning Ginu kilub ding apat apulung aldo at apat apulung bengi. E ku bitasang mengan at minum. Depat ku iti uli na ning kasalanan yu a pepasari king pangamua na kekayu.

Deuteronomio 9:25

Inya makasakab ku arapan ning Ginu kilub ding apat apulung aldo at apat apulung bengi, uling balu ku king mamitamit na na kayung gisanan a lahi.

Deuteronomio 9:9

Minukiat ku king bunduk ban tanggapan ku la ding tinabas a batu nung nu ya makasulat ing kasunduan na ning Ginu kekayu; e ku mengan o minum kilub ding apat apulung aldo at apat apulung bengi.

Hebreo 2:18

Uling ya mismu dinalan yang kapagsubukan at kasakitan. Inya ngeni malyari na lang asaupan ding aliwang daralan king kapagsubukan.

Hebreo 4:15

Ing kekatamung Pekapun ding Pari biasa yang makisanmetung a panamdam king kekatamung keinan. Uling dinalan ya naman king sablang kapagsubukan a kalupa na ning daralanan tamu agyamang e ya mikasala.

1 Samuel 17:16

Kilub ding apat apulung aldo lalage ya ing Filisteong i Goliat at manamun ya abak at bengi.