Lucas 4:18 - Ing Mayap a Balita Biblia

¹⁸ Ing Espiritu ning Ginu atyu kanaku, uling pinili na ku ban ipanaral ke ing Mayap a Balita karing pakakalulu. Tinubud na ku ban ihayag ing kalayaan karing bihag, at ing pangabalik da panimanman ding bulag, at ing pangayatbus ding mayayalipit,

Lucas 4:18 Iomraidhean Croise

Genesis 3:15

Mikasama kayu ning babai; milaban la ding anak na at ding anak mu. Lasawan de ring anak na ing buntuk mu, at tuktukan mu no man ding sakung da.

2 Cronica 34:27

Uling mekiramdam ka at migpakumbaba arapan ku inyang dimdam mu ing sinabi kung laban king lugal at karing manuknangan, ginabak mu ing susulud mung imalan at menangis ka. Dimdam ku ing panalangin mu.

Ding Dalit 102:20

Ing saingsing ding makasukul dimdam na, at ding miyatulan mate gewa na lang malaya.

Ding Dalit 147:3

Ding mebigu pakayapan na la, at lalanggasan na lang sugat da.

Ding Dalit 2:2

Ari keting yatu abe-abe la, at e mayap ing buri da; karelang mamuntukan mipupulung la; ing Ginu ya'ng buri dang labanan at ing aring pinili na.

Ding Dalit 2:6

King Zion a bunduk kung banal, ing kakung ari karin ke likluk.

Ding Dalit 34:18

Malapit ya ing Ginu karetang meina lub, at sasagipan na la detang milako kapanayan.

Ding Dalit 45:7

Kaluguran mu ing katuliran, at kekang kasaman ing e mayap. Iti ing sangkan nung inya ing Dios a kekang Dios, pinili na ka at dininan dakal a tula kesa karing aring aliwa.

Ding Dalit 51:17

Ing ain ku, O Dios ko, mapagpakumbaba yang espiritu. Ing pusung sisisi at magpakumbaba kapilan man e me tanggian.

Isaias 32:3

Makabuklat la ding mata ra at balugbug para king pamangailangan ding tau.

Isaias 35:5

Manakit la ding bulag, at makaramdam la ding maklak.

Isaias 42:7

Ding mata da ring bulag keka lang ibuklat, at ibulus ding atyu pakalukluk karing sukulan a madalumdum.

Isaias 45:13

Aku mismu ing misubung kang Ciro ban kimut ya, ban ing kakung parasan tuparan na at itulid ing sabla. Kakung tuliran ing balang dalan a dalanan na. Italakad ne at larinan ing siudad kung Jerusalem, at ibulus ing mebihag kung balen. Ala metung man ing menupa o minie suhul ban iti daptan na. Ing Ginung Mayupaya migsalita ya.

Isaias 49:9

Sabian ku karing makasukul, Mako na kayu. Malaya na kayu! At sabian ku karetang atyu king karalumduman, Lumual na kayu keni king masala! Mangari la karing tupang manyibsiban karing bunduk-bundukan;

Isaias 50:4

Tiru na ku ning Ginung Dios nung nanu ing sukat kung sabian ban apasiknangan ku la ding mibabayatnan. Dirinan na kung sikanan balang abak ban itang ituru na kaku kakung pakiramdaman.

Isaias 57:15

Aku ing matas at banal a Dios a mabie kapilan man. Manuknangan ku king matas at banal a lugal, oneng manuknangan ku munaman libutad da ring taung mapagpakumbaba at sisisi ban abalik ku ing kapanaligan at ing kapanayan da.

Isaias 59:21

At gawa kung kasunduan kekayu: binie ku kekayu ing upaya ku at ding turu ku ban maging kekayu la king kapilan pa man. At pamintuan yu la manibat ngeni at ituru karing anak yu at karing lahi yu ban mamintu kanaku king kapilan pa man.

Isaias 61:1

Kitmuan na ku ning Ginung Dios king espiritu na. Pinili na ku at tinubud ban karing kalulu mayap a balita iyatad ku, ban uluan lang pusung sugatan, ban ihayag karing bihag ing pangaligtas da at ing kalayaan karing atyu king sukulan.

Isaias 66:2

Aku ing linalang king meto sikluban! Aku ing makibandi king sabla-sabla. Liligaya ku karing mapagpakumbaba at sisisi, karetang ating takut at mamintu kanaku.

Ezekiel 9:4

Ngana, Munta ka king mabilug a siudad ning Jerusalem at dinan meng tatak king kanuan ing metung at metung a sasaingsing at maliligalig uli da ring sablang bage makasumami a mararapat king siudad.

Daniel 9:24

Pitung besis a tiapitung pulung banua ya ing kaba ning panaun a tikda ning Dios para mayatbus la king kasalanan at king e mayap ding kekang kabalen at ing banal a siudad. Mipatawaran ing kasalanan at mag-ari ing alang anggang hustisia ban ing vision at ing ula mipaltutu, at mitalaga yang pasibayu king Dios ing banal a Templo.

Zepania 3:12

Lakuan ku la karin ding taung mipasakitan at mapagpakumbaba a lumapit kanaku ban maniawad saup.

Zacarias 11:11

Inya king aldong ita mebura ya ing kasunduan. Lalawan da ku ding maniali at mamisaling tupa, at balu ra king magsalita ya ing Ginu king kapamilatan na ning depat ku.

Malakias 4:2

Oneng ikayung mamintu kanaku, ing upaya ning pamagligtas ku sunlag ya kekayu anti ing aldo at dinan na kayung kapaldanan ning sala na. Maging malaya kayu at masaya antimo ding biserung tupa a pepalualan da king kural.

Mateo 11:5

manakit la ding bulag, makalakad la ding pile, kakayap la ding leprosuan, makaramdam la ding maklak, susubli lang mie ding mete, at mipanaral ya ing Mayap a Balita karing kalulu.

Mateo 12:18

Oyni ing kakung talasuyu a kakung pinili, ing kakung kaluguran a tutu kung katulan. Ibili ke keya ing kakung Espiritu, ipayabut na ing kakung kayatulan karing sablang tau.

Mateo 12:20

E ne paklian ing timbung mebalbal na; e ne patdan ing sulung undap-undap na. E ya patugut anggang e na apapagtagumpen ing hustisia;

Mateo 4:16

Ding taung manuknangan king kadalumduman menakit lang maragul a sala! Karing manuknangan king anino ning kamatayan karela sunlag ya ing sulu!

Mateo 5:3

Mapalad la ding pakakalulu king espiritu, uling karela ya ing Kayarian ning Banua!

Lucas 4:17

Binie re kang Jesus ing libru nang propeta Isaias. Biklat ne ing libru at ikit ne at binasa iting makasulat:

Lucas 6:20

Linawe na lang Jesus ding alagad na at ngana, Mapalad kayu, ikong pakakalulu, uling kekayu ya ing Kayarian ning Dios!

Lucas 7:22

Nganang mekibat karing tubud nang Juan, Magbalik kayu at ibalita yu kang Juan ing ikit yu at dimdam: manakit la ding bulag, makalakad la ding pile, kakayap la ding leprosuan, makaramdam lang pasibayu ding maklak, at mabibie lang pasibayu ding mete at mipanaral ing Mayap a Balita karing pakakalulu.

Juan 1:41

Kanita mu rin penintun neng Andres i Simon a kapatad na. Inyang ikit ne, sinabi na kang Simon, Atagpuan mi ya ing Mesiya (ngana wari, ing Cristo).

Juan 12:46

Dinatang ku keti king yatu antimong sala ban ding sablang maniwala kanaku e na la manatili king dalumdum.

Juan 3:34

Magsalita ya itang tinubud ning Dios karing amanu na ning Dios, uling ganap neng babie keya ing Espiritu.

Ding Dapat 10:38

Balu yu itang tungkul kang Jesus ning Nazaret; nung makananu neng linanian ning Dios king Banal a Espiritu at king upaya. Uling ing Dios atyu keya minta ya karing sablang lugal darapat mayap at pakayap karing sablang inalipnan na ning diablo.

Ding Dapat 26:18

Ika ing mibuklat karing karelang mata at ibat king dalumdum iyarap mu la king sala, at ibat king upaya nang Satanas tairan mu la king Dios ban king kapamilatan na ning kasalpantayanan da kanaku mipatawaran la karing karelang kasalanan, at mibilang la karing taung pinili na ning Dios.

Ding Dapat 4:26

Ding ari keti king yatu magsadia la, at ding pamuntuk mipupulung la laban king Ginu at king Pinili na?

Ding Dapat 4:27

At iti pin ing mapapalyari: keni mismu Jerusalem, i Herodes ampon i Pilato mekipulung la karing paganu at karing memalen na ning Israel laban kang Jesus, ing banal mung Talasuyu at kekang Pinili.

Colosas 1:13

Uling linigtas na katamu king upaya na ning karalumduman at linipat na katamu king kayarian na ning Anak nang pakamalan

Santiago 2:5

Lawan yu, kaluguran kung kapatad! Ding lalawan nang pakakalulu ning yatu ila ding pinili na ning Dios para mipabandian la king kasalpantayanan, at magkamit king Kayarian a pengaku na karing malugud keya.

1 Pedro 2:9

Oneng ikayu metung kayung lahing mepili, pari kayung susuyu king Ari, banal kayung bansa, at memalen a pepasubali na ning Dios, at pinili nang magsalita karing makapagmulala nang dapat. Inaus na kayu ibat king karalumduman at linipat na kayu king makapagmulala nang sala.