Lucas 4:15 - Ing Mayap a Balita Biblia

¹⁵ Tinuru ya karing karelang sinagoga at pupurian de ring sabla.

Lucas 4:15 Iomraidhean Croise

Isaias 55:5

Ngeni keka lang ausan ding aliwang bansa a kanitang misan ila e ra ka kakilala, oneng ngeni mamirapal lang datang ban makiabe la keka! Aku, ing Ginung kekang Dios, ing banal nang Dios ning Israel, iti kaku ngan papalyarian; dinan da kang ligaya at dangalan.

Mateo 13:54

at migbalik ya king sarili nang balen. Tinuru ya king karelang sinagoga. Mengapamulala la ding mekaramdam kang Jesus. Nukarin na ibat ing anti kanyan a kabiasnan? ngarang kinutang. Makananu yang makarapat kareting milagru?

Mateo 4:23

Leganasan neng pintalan Jesus ing mabilug a Galilea; tinuru ya karing karelang sinagoga at penaral na ing Mayap a Balita tungkul king Kayarian ning Banua. Pepakayap na la naman ding tau king miyayaliwa rang sakit at kapanamdaman.

Mateo 9:35

Leganasan na la ngan delawan Jesus ding balen ampon ding baryu. Tinuru ya karing karelang sinagoga, penaral na ing Mayap a Balita tungkul king Kayarian ning Banua, at pepakayap na la ding tau king nanu pa mang sakit at kapanamdaman da.

Mateo 9:8

Inyang ikit da iti ding tau, tiblan na la ning takut at pinuri de ing Dios a minie king anti kaniting kayupayan karing tau.

Marcos 1:27

Mengapamulala la ding sabla, inya ngarang mipapangutang, Nanu iti? Ngeni ta pa dimdam yan! Agyu na lang utusan Jesus pati na ding marawak a espirituat mamintu na la man!

Marcos 1:39

Inya linibut ya king mabilug a Galilea; manaral ya karing karelang sinagoga at panabi na la ding demonyu.

Marcos 1:45

Oneng meko ya at pemalita na ing milyari. Uli na nita, e ne milub hayagan i Jesus king balen. Makagyu na mu ing atyu king lual na ning balen, karing lugal a tahimik at karin de pagsarian ding taung manibat karing miyayaliwang lugal.

Lucas 13:10

Misan a Aldo ning Sabbath, atyu i Jesus king sinagoga; tuturu ya.

Lucas 4:16

Kaybat na nita, mibalik ya Nazaret i Jesus, ing lugal nung nu ya meragul. King Aldo ning Sabbath, antimo ing ugali na, minta ya king sinagoga. Tinalakad ya ban mamasa karing Kasulatan.