Lucas 3:9 - Ing Mayap a Balita Biblia

⁹ Makasadia ne ing palakul ban kuturan la angga king yamut ding tanaman. Makutud ya ing balang tanaman a e mamungang mayap at miyugse ya king api.

Lucas 3:9 Iomraidhean Croise

Ezekiel 31:18

Ing tanaman ya ing ari ning Ehipto at ding sablang taung sasakupan na. Agyang king Eden alang tanaman a binang matas at pagmumulalan. Oneng ngeni, kalupa da ring tanaman king Eden, miras ya king lalam ning tuknangan da ring mete at makiabe ya karing alang dios at karetang mete king labanan. Aku ing migsalita, ngana ning Ginung Dios.

Daniel 4:14

Nganang sinabi king masikan a bosis, Kuturan me ing tanaman at tabasan mu la ding sanga na; lugusan me bulung at ikalat mu la ding bunga na. Itabi mu la ding animal a makasalilung lalam na at ding ayup karing sanga na.

Daniel 4:23

Kabang maglalawe kayu, Makamal a Ari, tinipa yang ibat banua ing metung a anghel at sinabi na, Kuturan me ing tanaman at siran, oneng itagan me king gabun ing paludpud na. Talian meng tanikalang bakal at tangsu at lakuan me king libutad ning marangle kayabe ning dikut. Paburen mung dugpa ing ambun king lalaki at paburen meng mie karin kayabe da ring animal kilub ding pitung banua.

Mateo 3:10

Ngeni pa makasadia neng dugpa ing palakul karing yamut da ring tanaman, ban ing isanu mang tanaman a e mikakabungang mayap, makutud ya at miyugse king api.

Mateo 7:19

Kuturan ya ing balang tanaman a e mamungang mayap at iyugse king api.

Lucas 13:6

Kanita selita neng Jesus iting talimhaga. Ngana, Ating metung a taung ating tanaman a higera king ubasan na. Linawe na nung atin yang bunga, oneng ala yang ikit.

Lucas 13:7

Inya sinabi na king mamahala king ubasan, Atlu na kung banuang pupunta keti at manintun bunga king tanaman a iti, oneng ala ku pang ikit. Kuturan mu ne! Makaskup nia wala king ubasan!

Lucas 13:9

Nung mamunga ya keng tutuking banua, lalung masanting; nung ali ya, kanita ta ne kuturan.

Juan 15:6

Mangari ya ing e manatili kanaku king metung a sangang miyugse at langi ya. Titipunan la ding anti kareting sanga at iyugse king api at maduluk la.

Hebreo 10:28

Papaten deng alang lunus ing ninumang lalabag king Kautusan nang Moises kaybat nang miyatulan uli na ning patutu da ring adua o atlung testigu,

Hebreo 12:29

uling ing kekatamung Dios anti ya king aping manyilab.