Lucas 3:8 - Ing Mayap a Balita Biblia

⁸ Daptan yu la detang bage a pakilala king sinisi na kayu at ginulut karing kekayung kasalanan. At e yu pangangas sasabian king i Abraham ya ing kekayung makatua. Sasabian ku kekayu king agyang karing batung deni ing Dios makapalto yang lahi nang Abraham!

Lucas 3:8 Iomraidhean Croise

Nehemias 5:11

Isubli yu la ngeni mu ring aldong iti ding karelang marangle, mulahan ubas at olibo, ding bale ra, salapi, binutil, alak at larung olibo a malambat yu nang sisingil karela.

Ezekiel 33:24

Ngana, Anak ning tau, ding taung manuknangan karing siudad a melasak ning bansang Israel sasabian da: Bukud yang metung i Abraham, makanyan man mibie ya kang Abraham ing mabilug a bansa. Dakal tamu, inya ing bansa kekatamu ya ngeni.

Mateo 21:43

Inya ngeni sasabian ku kekayu, nganang tinuglung Jesus, milako ne kekayu ing Kayarian ning Dios at miyabie ya karing taung biasang papamunga kaniti. [

Mateo 3:8

Nung tune kayung sisisi karing kasalanan yu, ipakilala yu king pamagbayu yung bie.

Mateo 3:9

E yu pangangas sasabian king lahi na kayung Abraham. Sasabian ku kekayu, agyang karing batung deni ing Dios makapalto yang tune nang lahing Abraham.

Lucas 13:25

Kabud sera ne ning manibala king pibalebale, mibata kayung makatalakad king lual at katuk na kayung katuk. Sabian yu, Ginu, paluban yu kami! Ipakibat na kekayu, E ra kayu balu penibatan!

Lucas 13:26

At sabian yu, Kesulu mu kaming mengan at mininum at tinuru ka karing balen mi!

Lucas 14:9

At lapitan na ka ning mengumbira kekayung adua at sabian na keka, Paburen meng lukluk king luklukan mu ing taung ini! Mipakarine ka kanita at king pekamarayung luklukan karin ka lukluk.

Lucas 19:40

Pekibat na, Sasabian ku kekayu, nung magtahimik la, ding batu mismu ilang kulisak.

Lucas 19:9

Nganang Jesus kang Zaqueo, Dinatang ngeni ing kaligtasan king pibalebaleng iti; ing taung ini lahi nia namang Abraham.

Lucas 5:21

Ngarang misabisabi ding talaturu ning Kautusan at Pariseo, Ninu iting magsalitang kalapastanganan king Dios? Alang makapamatawad kasalanan nune mu ing Dios!

Juan 8:33

Pekibat da kang Jesus, Lahi na keng Abraham at kapilan man e ke pa me-ipus kenu man. Makananu mung asabing Maging malaya kami?

Juan 8:39

Pekibat da kang Jesus, I Abraham ya ing tatang mi. Nganang Jesus karela, Nung anak na kayung Abraham, depat yu sa ing dapat nang Abraham.

Ding Dapat 26:20

Muna karin Damasco at karin Jerusalem at kaybat king mabilug a bansa da ring Judio, at penaral ku karing paganu king sukat lang sumisi karing karelang kasalanan at magbalik la lub king Dios at daptan da la detang bage pakilala king pamanisi ra.

Roma 4:16

Inya, makatalakad ing pangaku king kasalpantayanan ban makilala king ing pangaku metung yang grasya a babie nang alang bayad ning Dios, at makasadia ya para karing sablang lahi nang Abraham; e mu karelang mamintu king Kautusan nune pati na karetang ating kasalpantayanan a kalupa na ning kang Abraham. Tata ta ya ngan i Abraham;

Roma 9:7

ni e la ngan anak na ning Dios ding lahi nang Abraham. Ngana ning Dios kang Abraham, Ding lahi nang Isaac ilang maging lahi mu.

Filipos 1:11

mitmu kayu king tune kabanalan a bukud mung kang Jesu-Cristo manibatan para king ikaligaya na at ikapuri ning Dios.