Lucas 3:7 - Ing Mayap a Balita Biblia

⁷ Dakal lang taung linapit ban pabinyag la kang Juan. Ngana karela, Ikayung lahing ubingan! Ninung sinabi kekayung aligtasan yu ing mua na ning Dios a malapit nang datang?

Lucas 3:7 Iomraidhean Croise

Genesis 3:15

Mikasama kayu ning babai; milaban la ding anak na at ding anak mu. Lasawan de ring anak na ing buntuk mu, at tuktukan mu no man ding sakung da.

Isaias 59:5

Ding e mayap yung tangka a kekayung gagawan kasing bagsik da la ring ebun na ning ubingan a kamandagan. Balbalan ya ing ebun at ubingan ya ing lumual! Oneng ala kayung apala karing kekayung tangka; ala lang ulaga, anti lang imalan a megawa king saput ding babagua!

Mateo 12:34

Lahing kamamalu, makananu kayung makapagsalitang mayap ngening e kayu mayap? Uling ing lulual king asbuk na ning tau manibatan ketang makalaman king pusu na.

Mateo 23:33

Kamamalu, lahing ubingan! Makananu yung alisian ing pangaparusan yu king impierno?

Mateo 3:6

Sinabi da la ring kasalanan da at bininyag na lang Juan king Ilug ning Jordan.

Juan 8:44

Ing diablo ya ing tata yu at ing buri nang tata yu ya ing buri yung daptan. Makamate ya manibat na king minuna at kalaban ne ning katutuan uling alang katutuan keya. Neng maglaram ya ing diablo, magsalita ya agpang king sarili nang katutubu, uling malaram ya at ya ing tata na ning kalaraman.

Ding Dapat 13:10

at ngana, Anak ning diablo! Ika ing kalaban na ning sablang bage mayap; mitmu kang pamaglinlang at kapamiraitnan! Kapilan ka tuknang magliku king dalan nang matulid ning Ginu?

1 Tesalonica 1:10

at manaya king pamagbalik na ibat banua ning Anak na, i Jesus, ing pepasublian nang mebie. I Jesus ya naman ing magligtas kekatamu king daratang nang milalablab nang mua ning Dios.

Hebreo 6:18

Inya e ya magbayu at maglaram ing Dios tungkul kareting aduang bage: ing pangaku na at sumpa. Itamung menakit kaligtasan king Dios, sukat tamung mirinan tetagan a lub king pamanaya karing pengaku na.

1 Juan 3:8

Kakampi ne ning diablo ing ninumang darapat kasalanan. Uling manibat na king minuna darapat neng kasalanan ing diablo. Uli na niti, dinatang ya ing Anak ning Dios ban siran na ing dapat na ning diablo.