Lucas 3:22 - Ing Mayap a Balita Biblia

²² At tinipa ya ing Banal a Espiritu a anting patipati at tinuklu ya kang Jesus. Nganang sinabi ning metung a siwalang ibat banua, Ika ing Anak kung pakamalan; mipaligayan kung tutu keka.

Lucas 3:22 Iomraidhean Croise

Ding Dalit 2:7

Ngana naman ning aring pinili na, Kakung isalita utus ning Ginu: Ika ing kakung anak, king aldo'ng iti meging tata mu ku.

Isaias 42:1

Nganang sasabi ning Ginu, Oyni ing kakung talasuyung kakung pasiknangan; ya ing kakung pinili at bina kung matula. Kitmuan ke king kakung upaya, at king balang bansa idala na ing hustisia.

Mateo 12:18

Oyni ing kakung talasuyu a kakung pinili, ing kakung kaluguran a tutu kung katulan. Ibili ke keya ing kakung Espiritu, ipayabut na ing kakung kayatulan karing sablang tau.

Mateo 17:5

Kasalukuyan na pang magsalita inyang tikpan na la ning maslag a biga. Meramdam ya ibat king biga ing metung a siwala. Ngana, Iti ya ing Anak kung pakamalan a lubus kung katulan. Pakiramdaman ye!

Mateo 27:43

Manalig ya king Dios at sasabian na king ya ing Anak ning Dios. Alben tamu, nung buri ne ping iligtas ning Dios ngeni!

Mateo 3:13

Kanita dinatang ya i Jesus king Ilug ning Jordan; menibatan ya Galilea. Dinatang ya ban pabinyag kang Juan.

Mateo 3:16

Kabinyag nang Jesus, agad yang sinaka king danum at mibuklat ya ing banua. Ikit ne ing Espiritu ning Dios at kukuldas yang balamu metung a patipati at tinuklu ya keya.

Mateo 3:17

Migsalita yang ibat banua ing metung a siwala ngana, Iti ya ing Anak kung pakamalan a tutu kung katulan.

Marcos 1:11

Meramdam ya ing metung a siwalang ibat banua. Ngana, Ika ing pakamalan kung Anak; keka tutu kung matutula.

Marcos 1:9

E melambat dinatang ya i Jesus ibat Nazaret, Galilea, at bininyag neng Juan king Ilug ning Jordan.

Marcos 9:7

Linto ya ing metung a biga at tikpan na la at meramdam ya ing siwalang ibat king biga. Ngana, Iti ya ing Anak kung kaluguran; makiramdam kayu keya!

Lucas 2:14

Ligaya king Dios king kakataskatasan, at keti sulip kapayapan karetang taung katulan na!

Lucas 4:21

Ngana karela, Metupad ya ngeni iting Kasulatan kabang pakiramdaman yeng mababasa.

Juan 1:32

Iti ya ing patutu nang Juan, Ikit ke ing Espiritu a kukuldas anting patipati a ibat banua at menatili ya keya.

Juan 12:28

Ibpa, parangalan me ing lagyu mu. Kanita ing metung a siwalang ibat banua sinabi na, Peparangalan ku ne at parangalan ke pang pasibayu.

Juan 5:37

Ing Ibpang mitubud kanaku ya mismu patutu ya naman tungkul kanaku. E yu pa dimdam kapilan man ing siwala na at e ye pa ikit kapilan man ing itsura na.

Ding Dapat 10:38

Balu yu itang tungkul kang Jesus ning Nazaret; nung makananu neng linanian ning Dios king Banal a Espiritu at king upaya. Uling ing Dios atyu keya minta ya karing sablang lugal darapat mayap at pakayap karing sablang inalipnan na ning diablo.

Colosas 1:13

Uling linigtas na katamu king upaya na ning karalumduman at linipat na katamu king kayarian na ning Anak nang pakamalan

1 Pedro 2:4

Lumapit kayu king Ginu, ing batung mabie a tinggian dang alang kabaldugan ding tau, oneng pinili na ning Dios at mal ya king arapan na.