Lucas 3:21 - Ing Mayap a Balita Biblia

²¹ Mebinyag la ngan ding taung atyu karin at pati na i Jesus. Kabang manalangin ya i Jesus mibuklat ya ing banua.

Lucas 3:21 Iomraidhean Croise

Ezekiel 1:1

King kalimang aldo na ning kapat a bulan ning katlung pulung banua, aku, i Ezekiel a pari, ing anak nang Buzi, at ding Judiong miyugse, manuknangan ku king lele ning Ilug ning Kebar karin Babilonia. Mibuklat ya ing banua at ikit ku la ding vision na ning Dios. (

Mateo 14:23

Inyang apaulian na na la ding tau, minukiat yang magdili-dili king metung a bunduk-bundukan ban manalangin. Miras ing bengi. Magdili-dili ya karin i Jesus.

Lucas 5:16

Makanyan man, maralas yang pupunta i Jesus karing lugal a tahimik at karin ya manalangin.

Lucas 9:18

Misan, kabang manalangin yang dili-dili i Jesus, lepitan de ring alagad. Ninu aku agpang king sasabian da ring dakal a tau? nganang kinutang Jesus karela.

Juan 1:51

At tiglung nang Jesus, Ing katutuan sasabian ku kekayu ngan: akit yeng makabuklat ing banua at tipa-manik la ding anghel ning Dios king tulid ning Anak ning Tau.