Lucas 3:17 - Ing Mayap a Balita Biblia

¹⁷ Darala ne ing sabungke na ba nang daran at ikawani ing pale king sepu at tipunan na ing pale king bangan at dulukan na ing sepu king aping e matatda kapilan man.

Lucas 3:17 Iomraidhean Croise

Ding Dalit 1:4

Oneng ding taung makasalanan e la makanyan; sepu la waring pipaid-paid ning angin.

Isaias 30:24

Mangan la king masanting diling dikut ding baka at asno a gagamitan yu king pamaniarul king marangle.

Jeremias 15:7

King balang balen ning bansa anti kayung are a silbag ku king angin. Taung kakung pinili, lesak da kayu at pete ding anak yu, uling e kayu tinuknang king dapat yung e mayap.

Mikeas 4:12

Oneng e ra balu deting bansa ing isipan na ning Ginu. E ra balu king tinipun na la ban miyabe-abe lang parusan na antimo ing makayaptas a binutil a madadara.

Mateo 13:30

Paburen yung parehung tumubu angga king panaun na ning papalut. Potang oras nang palutan, sabian ku karing talapalut: Tipunan yung mumuna ing dikut at saka yu aptasan at dulukan, at tipunan yu king kanakung kamalig ing pale.

Mateo 3:12

Atyu king gamat na ing sabungke na; linisan na ing pidadaran na at tipunan na ing pale king kamalig na, oneng dulukan na ing sepu king aping e matatda kapilan man.

Lucas 3:18

King miyayaliwang paralan agkatan na lang Juan ding tau kabang panaral na karela ing Mayap a Balita.