Lucas 3:16 - Ing Mayap a Balita Biblia

¹⁶ Inya nganang Juan karela ngan, Bibinyagan da kayu king danum, oneng ing metung a maygit kesa kanaku datang ya. E ku man karapatdapat agyang kalag mu karing tali nang sandalyas. Binyagan na kayu king Banal a Espiritu ampon king api.

Lucas 3:16 Iomraidhean Croise

Ding Kasebian 1:23

Pakiramdaman yu ing turu ku; dinan da kayung mayap a turu at dinan kening balu ku.

Isaias 32:15

Oneng misan pa itubud ne kekatamu ning Dios ing espiritu na. Maging mataba ing gabun a mipaburen at palto lang masanting a pupul ding marangle.

Isaias 4:4

King uli na ning upaya na, atulan ne ning Ginu at pakadalisayan ne ing bansa; wasan na at ilako ing e mayap king Jerusalem at ing dayang minagus karin.

Ezekiel 36:25

Pisikan da kayu king danum a malinis at gawan da kayung malinis king dinat da ring kekong idolo at king aliwang bage minie dinat kekayu.

Zacarias 13:9

Paniubukan ke ing katlung dake a mitagan at gawan keng puru antimo ing pilak a madadalise king api. Paniubukan ku la antimo nung makananu yang masusubuk ing gintu. Kanita maus la kanaku at pakibatan ku la. Sabian ku karela king ila ding kanakung memalen, at ibalita da king aku ing karelang Dios.

Mateo 3:11

Bibinyagan da kayu king danum ban mipakilala king sisisian yu la at painggulutan ding kasalanan yu; oneng ing daratang katuki ku lalu yang mayupaya kesa kanaku. E ku man karapatdapat mamitbit karing sandalyas na. Binyagan na kayu king Banal a Espiritu at king api.

Mateo 3:12

Atyu king gamat na ing sabungke na; linisan na ing pidadaran na at tipunan na ing pale king kamalig na, oneng dulukan na ing sepu king aping e matatda kapilan man.

Juan 1:26

Nganang mekibat Juan, Maminyag ku king danum, oneng libutad yu ating metung a e yu akikilala.

Juan 1:27

Ya ing daratang kaybat ku at e ku karapatdapat agyang kalag mu karing tali da ring sandalyas na.

Juan 1:33

E ku balu kanita nung ninu ya; oneng ing mitubud kanaku ban maminyag king kapamilatan na ning danum ya ing sinabi kanaku, Ing akit mung kuldasan na at panatilian ning Espiritu, ya ing maminyag king kapamilatan ning Banal a Espiritu.

Juan 7:38

Agpang king sasabian na ning kasulatan, Ing maniwala kanaku, manibat king pusu na magus la ding batis ning mabie danum.

Ding Dapat 1:5

Meminyag ya i Juan king kapamilatan na ning danum, oneng karing daratang a mapilan a aldo mabinyag kayu king Banal a Espiritu.

Ding Dapat 10:44

Kabang magsalita ya i Pedro, tinipa ya ing Banal a Espiritu karing sablang makiramdam king pamanaral na.

Ding Dapat 2:33

Mitas ya king banda nang wanan ning Dios at tinggap ne keya ing Banal a Espiritu, antimo ing pengaku na ning Ibpa na at ing akakit yu at daramdaman ngeni ya itang kalam a tigtug nang labis-labis kekami.

1 Corinto 12:13

Makanyan munaman, itamu ngan, Judio o Griego, ipus o malaya, mebinyag tamu king metung mung katawan king kapamilatan na ning metung mung Espiritu. At itamu ngan minum tamu king metung mung Espiritu.