Lucas 24:51 - Ing Mayap a Balita Biblia

⁵¹ Kabang bibendisyunan na la, likuan na la at mitas ya banua.

Lucas 24:51 Iomraidhean Croise

2 Ari 2:11

Kabang lalakad la at mipagsalita, ating karwaheng api at kabayung api a kabud na linto at pikawani na la ilang adua. Inukiat ne banua ning alisus i Elias.

Marcos 16:19

Kaybat nang migsalita karela, mitas ya banua ing Ginung Jesus, at linukluk ya king banda nang wanan ning Dios.

Lucas 24:50

Kaybat na nita, tiki na lang Jesus king lual na ning siudad. Karas da Betania, tinas na la ding gamat na at binendisyunan na la.

Lucas 24:52

Simban de at mibalik la Jerusalem king mitmung tula,

Juan 20:17

Nganang Jesus kang Maria, E mu ku tatagkilan uling e ku pa pepaitas papunta king Ibpa. Munta ka karing kapatad ku at sabian mu karela king paitas na kung magbalik kang Ibpa ku at Ibpa yu, king Dios ku at king Dios yu.

Ding Dapat 1:9

Kaybat nang asabi iti, mitas ya banua kabang makalawe la kang Jesus at pimpanan ne ning biga king panimanman da.

Hebreo 1:3

Ya ing maslag nang sala ning ligaya na ning Dios uling ganap neng kawangis king kadiosan na; ya ing magmantini king meto sikluban king kapamilatan na ning mayupaya nang amanu. Ngening alinis na na la ding tau king dinat na ning karelang kasalanan, linukluk ya king banda nang wanan ning Dios a Mayupayang tutu karin banua.

Hebreo 4:14

Anti na ning kang Jesus, ing Anak ning Dios, atin tamung metung a marangal at Pekapun ding Pari a miras angga king arapan na ning Dios, magpakatatag tamu king kekatamung kasalpantayanan.