Lucas 24:5 - Ing Mayap a Balita Biblia

⁵ Uli na ning maragul dang takut, dinuku la angga king gabun. Kitang da ring lalaki karela, Baket panintunan ye ing mabie karing mete?

Lucas 24:5 Iomraidhean Croise

Daniel 10:16

Kanita inabut ne ing gamat na ning anghel a kalupang tau at tigkilan na la ding labi ku. Ngaku, Makamal, tune na kung papangalambutan ning vision, inya gagalgal kung alang patugut.

Daniel 10:19

Ngana, Kaluguran na ka ning Dios, inya e mu paintulut ing ligaligan na ka o pamatakutan ning nanumang bage. Inyang asabi na iti, dimdam kung lalu kung mesikan at sinabi ku, Makamal, sabian mu kanaku ing buri mung sabian. Uli mu masalese na ku panamdam.

Lucas 1:29

Tutu yang melingasngas a lub i Maria uli na niting amanung sinabi na ning anghel at isip-isipan na nung nanu ing kabaldugan na niti.

Lucas 24:4

Megulu la pamisip king milyari at kabud-abud ikit da lang atyu karin ding aduang lalaking makaimalan a makasilo.

Lucas 24:6

Ala na yu keti; sinubli neng mebie! Ganakan yu itang sinabi na kekayu kanitang atyu ya pa Galilea.

Ding Dapat 2:24

Oneng pepasublian neng mie ning Dios; linigtas ne king upaya na ning kamatayan uling e malyari kapilan man ing bihagan ne ning kamatayan.

Hebreo 7:8

Tau lang ating kamatayan ding Levita a kakuang kapulung dake, oneng mabie ya pa i Melkisedek angga ngeni antimo ing patutuan na ning Kasulatan.

Kapahayagan 1:18

Aku ing Mabie! Mete ku oneng ngeni mabie ku king kapilan pa man. Tatalnan ku ing kayupayan king kamatayan at king kakarinan da ring mete.

Kapahayagan 2:8

Isulat mu iti king anghel na ning iglesia karin Esmirna: Iti ya ing pasabi na nitang mumuna at katataulian, ing mete at mebie pasibayu.