Lucas 24:44 - Ing Mayap a Balita Biblia

⁴⁴ Kaybat ngana karela, Ing amanuan ku kanitang kayabe yu ku pa ya pin iti: kailangan ing matupad ing sablang misulat tungkul kanaku king Kautusan nang Moises, karing libru da ring propeta, at karing Dalit.

Lucas 24:44 Iomraidhean Croise

Genesis 14:18

Migdala yang tinape at alak i Melkisedek a ari na ning Salem. Anti na ning pari ne ning Dios a Kakataskatasan, nganang memindisyun kang Abram,

Genesis 22:18

Mibendisyunan la karing lahi mu ding heganaganang bansa keti king yatu. Matupad iti uli na ning pemintuan mu ku.

Genesis 3:15

Mikasama kayu ning babai; milaban la ding anak na at ding anak mu. Lasawan de ring anak na ing buntuk mu, at tuktukan mu no man ding sakung da.

Genesis 49:10

E ya mako misan man ing setro kang Juda ni ing simbulu ning kayupayan na. Angga king datang ya itang talan king setro mu a sukat dang pamintuan ding tau.

Ding Dalit 118:22

Ing sikuil dang batu ding manalakad bale, ya naman ing linto pekamasalese.

Isaias 28:16

Iti ya ngeni ing sasabian na ning Ginung Dios: Mibibili kung matatag at matibe pundasyun king Zion. Karin ke ibili ing matibe batung paniuluk nung nu la makasulat deting amanu, Ing matibe kasalpantayanan mapibabata ya naman.

Isaias 52:13

Ngana ning Ginu, Magtagumpe ya ing talasuyu ku king obra na; mirangal yang alang kalupa.

Isaias 7:14

Ing Ginu mismu munie yang metung a tanda para kekayu. Muktut ya ing metung a kayanakan a babai at manganak yang metung a lalaki at ing maging lagyu na Immanuel.

Isaias 9:6

Uling mibait ya ing anak para kekatamu! Ing metung a anak a lalaki miyabie ya kekatamu! At ya ing maging pamuntuk tamu! Mayaus yang Makapagmulalang Tagapayu, Mayupayang Dios, Alang anggang Ibpa, Prinsipi ning Kapayapan.

Jeremias 23:5

Ngana ning Ginu, Datang mu rin ing aldo nung kapilan mamili kung metung a ari a ibat king lahi nang David at maging ari yang kalupa na. Manibala yang mitmung kabiasnan at daptan na ing mayap at ing matulid king kabilugan a kayarian.

Jeremias 33:14

Ngana ning Ginu kanaku, Daratang na ing panaun nung kapilan ku tuparan ing pengaku ku karing memalen na ning Israel at Juda.

Ezekiel 17:22

Iti ya ing sasabian na ning Ginung Dios, Kuanan ke ing pekamatas nang dake ning tanaman a sedro, at kuma kung suli na; itanam ke king matas a bunduk,

Ezekiel 34:23

Dinan ku lang ari a kalupa na ning talasuyu kung i David ban maging bukud dang pastul at e na la paburen.

Daniel 2:44

King kapanaunan da ring pamuntuk a reta, mitatag yang metung a kayarian a alang kapupusan ing Dios ning banua. E ya malyaring masambut iti, nune lubus na lang lasakan ding kayarian at kaybat na nita, manatili ya kapilan man.

Daniel 7:13

King vision a ikit ku king kekaban ning bengi, ikit ke ing metung a balamu tau. Lalapitan na ku; makapadurut ya king biga at minta ya ketang mabie king kapilan pa man at migpakilala ya.

Hosea 3:5

Oneng datang ing panaun at pasibayu lang magbalik king Ginung karelang Dios at king metung a lahi nang David a karelang ari. Potang datang ne ing aldong ita, mika takut la king Ginu at tanggapan da ing kayapan na.

Amos 9:11

Nganang sasabi ning Ginu, Daratang na ing aldo a aku ibawi ke ing kayarian nang David a mengaring bale melasak. Larinan ku la ding dalig na at italakad keng pasibayu. Gawan keng pasibayu a antimo ing king minuna.

Zacarias 12:10

Katmuan ku la ding lahi nang David at ding aliwang memalen na ning Jerusalem king espiritu ning lunus at panalangin. Lumawe la ketang pete ra king tandus, at panangisan de antimo detang manangis king karelang kabubugtungan a anak. Manangis lang kapait-paitan anti detang kematen king anak dang pangane lalaki.

Zacarias 13:7

Sasabian na ning Ginung Mayupaya, Espada, migising ka at dalusungan me ing pastul a makipagobra kanaku! Paten me at misambulat la ding tupa. Lusuban ku la ding kanakung memalen

Zacarias 14:4

King aldong ita talakad ya babo ning Bunduk ding Olibo, king dane aslagan na ning Jerusalem. Kanita mapirasu ya king adua ing Bunduk ding Olibo king maragul a kapatagan manibat king dane aslagan angga king dane albugan. Malis ya ing kapitna ning bunduk banda king norti, at ing kapitna banda king mauli.

Zacarias 6:12

Sabian mu kang Josue king ing Ginung Mayupaya sasabian na, Ya iti ing lalaking mayayaus Ing Sanga; manianga ya nu ya man karin at italakad neng pasibayu ing Templo ning Ginu.

Zacarias 9:9

Magsaya kayu, memalen ning Zion! Kulisak kayu king tula, ikong tau Jerusalem! Lawan yu, daratang ya kekayu ing kekong ari! Daratang yang kayabe ing tagumpe, oneng mapagpakumbaba ya at metung yang asno ing sasaken na, metung yang biseru, anak ning gaindung asno.

Ding Bilang 21:8

At nganang mekibat ning Ginu, Gawa kang ubingan a tangsu. Kaybat ibili me king metung a asta ban e ya mate potang akit ne ning ninumang metuktuk ubingan.

Ding Bilang 35:25

Sukat neng iligtas ning balen iting mekapate ban e ne apate ning pekamalapit nang kamaganak ning apate na king e na sasarian, at ibalik de king siudad a santungan na nung nu ya sinalikut. Karin ya manatili kabang mabie ya ing paring matas dili katungkulan.

Mateo 1:22

Milyari iting sabla ban matupad ing sinabi na ning Ginu king kapamilatan na ning propeta:

Mateo 16:21

Manibat na kanita pepakilala nang Jesus karing alagad na king kailangan yang munta Jerusalem at dumalan dakal a kasakitan king gamat da ring makatua na ning balen, ding pamuntuk da ring pari, at ding talaturu ning Kautusan, at ipapate re. Oneng king katlung aldo subli yang mie.

Mateo 26:54

Oneng makananung matupad ing sasabian da ring Kasulatan? Sasabian da king makanyan ing sukat marapat.

Mateo 26:56

Oneng iti sukat ngan malyari ban matupad itang sinulat da ring propeta karing Kasulatan. Kanita likuan de ring alagad na at tinakas la.

Marcos 9:31

uling kasalukuyan na lang tuturu ding alagad na. Ngana karela, Manabu ya ing Anak ning Tau karing gamat da ring makamate keya; makanyan man kaybat da ring atlung aldo subli yang mie.

Lucas 21:22

Uling ila deti ring Aldo ning Pamamarusa ban matupad ing sablang sasabian ding Kasulatan.

Lucas 22:37

Uling sasabian ku iti kekayu: sukat matupad kanaku ing sasabian na ning Kasulatan, Mibilang ya karing kriminal. Uling ing misulat tungkul kanaku matutupad na.

Lucas 24:46

at sinabi na karela, Anti kaniti ing makasulat: Kailangan yang dumalan kasakitan ing Cristo at subli yang mie king katlung aldo,

Lucas 9:22

Ngana pang tinuglung, Sukat yang dumalan dakal a kasakitan ing Anak ning Tau. Tanggian de ring makatua da ring Judio, ding pamuntuk da ring pari, at ding talaturu ning Kautusan, at paten de; oneng subli yang mie king katlung aldo.

Lucas 9:44

E yu kakalinguan ining sabian ku kekayu! Miyabie ya ing Anak ning Tau king upaya da ring tau.

Juan 3:14

At nung makananu neng tinas Moises ing ubingan a tangsu king disyerto, makanyan ya namang sukat itas da ing Anak ning Tau

Juan 5:39

Sasaliksikan yu la ding Kasulatan uling isipan yu king kareti yu atuklasan ing bie alang angga. Oneng deti ila kabud ding patutu tungkul kanaku;

Juan 5:46

Nung meniwala kayu kang Moises kailangan sana ing maniwala kayu kanaku uling sinulat ya tungkul kanaku.

Ding Dapat 13:40

Uli na niti, mingat kayu ban iting sinabi da ring propeta e mapalyari kekayu:

Ding Dapat 2:27

uling e me lakuan ing kaladua ku, at e me paburen king tuknangan da ring mete ni e mu paintulut king ining kekang Banal takman yang kasiran.

Ding Dapat 3:18

makanyan nang birian nang metupad ning Dios itang meula nang makapauna, inyang king kapamilatan da ring sablang propeta sinabi na king ing Cristo na dumalan yang kasakitan.

Ding Dapat 7:37

Ya itang Moises a sinabi karing memalen na ning Israel, Itubud ne kekayu ning Dios ing metung a propeta, antimo nung makananu na kung tinubud. Metung yang propetang manibatan mismu karing kekayung kalahi.

Hebreo 10:1

Metung ya mung malabug a anino ing Kautusan, at e ya ganap at e ya tapat a larawan da ring mayap a bage datang king aldo bukas. E na la agawang ganap ning Kautusan ding taung lalapit king Dios king kapamilatan da ring ain a babie dang alang patugut banua-banua.

Hebreo 3:5

Meging tapat ya i Moises king kabilugan nang pamilya ning Dios. Bilang metung a talasuyu, minie yang patutu tungkul karing bage a sabian na ning Dios king daratang a panaun.

Hebreo 7:1

Iting Melkisedek ya ing ari na ning Salem at pari ne ning Kakataskatasan a Dios. Kanitang i Abraham pa-uli yang ibat king labanan nung nu na la apate ding ari, selubungan neng Melkisedek at saka ne binendisyunan.

Hebreo 9:8

King sablang ayus a iti, ing Banal a Espiritu tuturu na king ing dalan papunta king Kabanal-banalan a Lugal e ya pa makabuklat kabang atyu ya pa karin ing mumunang dake.

1 Pedro 1:11

Sinuri da ing panaun at paralan na ning paniatang na niti. Ing Espiritu nang Cristo a atyu karela ya ing tutuldu kaniting panaun, uling iting Espiritu ya ing pepabalung makapauna karela tungkul king kasakitan a sukat nang dalanan Cristo at king kaligayan a salisi.

Kapahayagan 19:10

Migsakab ku king arap ban samban ke. Oneng sinabi na kanaku, E mu daraptan yan! Kalupa mu ku namang talasuyu at kapatad ding minie patutu tungkul kang Jesus. Ing Dios ya ing samban mu! Uling ing mihayag a katutuan tungkul kang Jesus ya ing kalamnan na ning sablang sinabi ra at sinulat ding propeta.