Lucas 24:4 - Ing Mayap a Balita Biblia

⁴ Megulu la pamisip king milyari at kabud-abud ikit da lang atyu karin ding aduang lalaking makaimalan a makasilo.

Lucas 24:4 Iomraidhean Croise

Genesis 18:2

Tinalanga ya at ikit na la ding atlung lalaking makatalakad arapan na. Panakit na karela, milayi ya ibat king pasbul na ning tolda na ba na lang saganan. Dinuku ya angga king gabun at kaybat sinabi na,

Marcos 16:5

At inyang milub na la king kutkutan, ikit de ing metung a kayanakan a lalaking makalukluk king bandang wanan at makaimalan yang maputi. Mitakutan la.

Lucas 2:9

Bigla yang pepakit karela ing anghel ning Ginu. At linaganap king makapatulug ing makasilo nang ligaya ning Ginu. Tiblan na la ning maragul a takut!

Lucas 24:5

Uli na ning maragul dang takut, dinuku la angga king gabun. Kitang da ring lalaki karela, Baket panintunan ye ing mabie karing mete?

Ding Dapat 1:10

Makalawe la pa banua kabang paitas ya, inyang bigla lang linto king arap da ring aduang taung makaimalan a maputi.

Ding Dapat 12:7

Kabud-abud atyu ing metung a anghel na ning Ginu kilub ning sukulan at sinlag ing sala karin. Tepik ne pago ning anghel i Pedro; ginising ne at ngana keya, Malagua, talakad ka! Kanita mu rin mebalag la karing gamat na ding tanikala.

1 Timoteo 3:16

Tune ping malalam ing misteryo na ning kekatamung relihiun: Pepakit ya king porma ning tau, pepatutuan ne ning Espiritu, at ikit de ring anghel. Mipanaral ya king mabilug a yatu, peniwalan de ring sablang tau, at minukiat ya banua.