Lucas 24:11 - Ing Mayap a Balita Biblia

¹¹ Oneng inisip da ring apostol king imposibli ing sasabian da at e ra la peniwalan. [

Lucas 24:11 Iomraidhean Croise

Genesis 19:14

Linual ya i Lot at pekisabian na la ding maging manuyang nang lalaki. Ngana karela, Malagua kayu! Lakuan ye iting siudad uling malapit na neng lasakan ning Ginu. Oneng bala ra mamiru ya mu ing katuangan dang i Lot.

2 Ari 7:2

Ngana ning lalaking mag-asikasu king ari, Talasuyu ning Dios, e mapalyari yan agyang pang ibuklat ne ning Ginu ing awang ning banua. Pekibat nang Eliseo, Akit mu mu rin bukas king iti mapalyari oneng e ka makapangan.

Job 9:16

At nung paintulutan na kung makiargu, e ku pa mu rin paniwalan ing makiramdam ya kaku.

Ding Dalit 126:1

Inyang binalik na kami ning Ginu karin Jerusalem balamu wari maninap kami mu.

Marcos 16:11

E re peniwalan inyang dimdam da kang Maria Magdalena king mabie ya i Jesus at king pepakit ya keya.

Marcos 16:13

Migbalik la Jerusalem at belita ra karing kayabe ra ing milyari, oneng e ra la munaman peniwalan.

Marcos 16:14

Katataulian, pepakit ya i Jesus karing labing metung kabang mamangan la. Sebianan na la uli na ning keyalan dang kasalpantayanan at ning kesiasan dang buntuk, at uling e la bisang maniwala karing menakit keya kaybat nang sinubling mebie.

Lucas 24:25

Kanita sinabi nang Jesus karela, Kapurul yu naman a isip! Angga ngeni e yu pa paniwalan ing sablang inula da ring propeta?

Lucas 24:41

E la pa mu rin maniwala uli na ning maragul dang tula at pangasdan. Inya kitang na karela, Atin kayung nanumang apangan keti?

Ding Dapat 12:9

Tikian neng Pedro lual na ning sukulan. Makanyan man, e na balu kanita nung tutu ing daraptan na ning anghel; bala na maninap ya mu.