Lucas 23:9 - Ing Mayap a Balita Biblia

⁹ Inya pengutnan na neng pengutnan, oneng e ya bitasang mekibat i Jesus.

Lucas 23:9 Iomraidhean Croise

Ding Dalit 39:9

E ku bubulad; asbuk ku e biklat, uling balu ku king iti kekang dapat.

Isaias 53:7

Pepasakitan deng ustu, oneng pibata na ngang mitmung katahimikan; e ya migsalita agyang metung mu mang amanu. Mengari ya king biserung tupa a malapit nang katatan; mengari yang tupang malapit nang ururan, e ya migsalitang nanuman.

Mateo 27:12

Oneng ala yang pekibat nanuman tungkul king susumbung da laban keya ding pamuntuk da ring pari at ding makatua na ning balen.

Mateo 27:14

Oneng e ya mekibat i Jesus agyang metung mu mang amanu, inya pigtakan nang e mu nanu iti ning Gobernador.

Mateo 7:6

E yu babie karing asu ing sagradung bage uling dalusungan da kayu at pangetan deti, at e yu la iyatsa ding perlas yu karing babi, uling damusakan da la mu deti.

Marcos 15:5

Oneng e bitasang mekibat i Jesus, inya mengapamulala ya i Pilato.

Lucas 13:32

Sinabi nang Jesus karela, Sabian yu ketang asung-gubat a ita king papalual kung demonyu at manulung masakit ngeni at bukas at king katlung aldo arian ku ing obra ku.

Lucas 23:10

Atyu la karin ding pamuntuk da ring pari at ding talaturu ning Kautusan a alang tuknang king pamagbintang da kang Jesus.

Juan 19:9

Linub yang pasibayu king palasyu at kitnan ne i Jesus, Nu ka tau? Oneng e ne pekibatan Jesus.

Ding Dapat 8:32

Ing dake na ning kasulatan a babasan na ya iti, Mengari yang tupang darala ra king pipatayan; kalupa ne ning biserung tupang e bubulad neng kukuananan deng lana; e ya migsalita metung mu mang amanu.

1 Pedro 2:23

E ya minablas insultu inyang ininsultu de; e na inisip ing ganti ya inyang pepasakitan de, nune peniwala na ing sarili na king Dios, ing Ukum a makatuliran.