Lucas 23:5 - Ing Mayap a Balita Biblia

⁵ Oneng pipilit dang sasabian, King kapamilatan na ning turu na guguluan na la ding tau king mabilug a Judea. Megumpisa ya karin Galilea at ngeni miras ne keti.

Lucas 23:5 Iomraidhean Croise

Ding Dalit 22:16

Padurutnan da ku ding balamu asu, kukubkuban da ku ding e mayap a tau; gamat ku bisbus da la pati na ding bitis ku.

Ding Dalit 57:4

Atyu ku libutad ding taung balamu leon, balamu leon lang mamangan-tau; ding ipan da balamu paku la at paslu, at dila ra anti lang espadang mataram.

Ding Dalit 69:4

Ding mua kaku agyang ala lang asangkan mas marakal la kesa king kakung buak. Ding kalaban kung malaram buri da kung paten, at tutu la ngan masikan. Pilit dang pasubli kaku ing pibandian a e ku naman penako.

Mateo 11:1

Inyang ayari nang Jesus ing pamanuru na karing labing aduang alagad, meko ya ketang lugal a ita ban turu at manaral karing balen a malapit karin.

Mateo 2:1

Mibait ya i Jesus king Betlehem, Judea, kanitang panaun nang Aring Herodes. E melambat dinatang la Jerusalem ding mapilan a Mangabiasa, ding taung magaral king pangimut da ring batuin; menibatan la king Aslagan

Mateo 27:24

Inyang ikit nang Pilato king ala neng akarapat at pota mika kaguluan pa, pepakua yang danum at inos na la ding gamat na king arapan da ring sablang tau at ngana, Ala kung pakibatan king kamatayan na ning taung ini! Ikayung bala kanyan!

Mateo 4:23

Leganasan neng pintalan Jesus ing mabilug a Galilea; tinuru ya karing karelang sinagoga at penaral na ing Mayap a Balita tungkul king Kayarian ning Banua. Pepakayap na la naman ding tau king miyayaliwa rang sakit at kapanamdaman.

Marcos 1:14

Inyang mesukul ya i Juan minta ya i Jesus king Galilea at penaral na ing Mayap a Balita a ibat king Dios.

Lucas 11:53

Inyang mamako ne i Jesus king lugal a ita, pegumpisan deng penataki ding talaturu ning Kautusan at ding Pariseo. Pengutnan de tungkul karing dakal a bage

Lucas 23:23

Oneng lalu rang pekakulisak king kailangan yang ipaku i Jesus king krus at ing karelang kilisak ya ing migtagumpe.

Lucas 23:6

Inyang dimdam nang Pilato iti, kitang na nung tau ya Galilea i Jesus.

Juan 1:43

Kabukasan, birian nang Jesus ing munta ya Galilea. Atagpuan ne karin i Felipe at nganang Jesus, Tuki ka kanaku! (

Juan 19:15

Oneng kilisak da, Paten ya! Paten ya! Ipaku ya king krus! Nganang kinutang Pilato karela, Ipapaku ke king krus ing kekayung Ari? Mekibat la ding pamuntuk da ring pari, Ala keng ari nung e mu ing Emperador!

Juan 2:11

Iti milyari karin Cana, Galilea; iti ya ing mumunang milagru a depat nang Jesus. Karin na pepakit ing kayupayan na at iti meging dalan ne ning pamaniwala ra keya ding alagad na.

Juan 7:41

Ngara naman ding aliwa, Ya pin ing Cristo! Oneng ding aliwa sinabi ra, Manibat ya wari Galilea ing Cristo?

Juan 7:52

Pekibat da kang Nicodemo, Ika man tau ka Galilea? Pagaralan me ing Kasulatan at akit mu king alang lunto propeta a tau Galilea.

Ding Dapat 10:37

Balu yu itang mangangaragul a bage a mepalyari king mabilug a bansa na ning Israel, megumpisa karin Galilea, kaybat na ning binyag a penaral nang Juan.

Ding Dapat 23:10

Meging tutung magulu ing pamipagdebate ra, inya migaganaka ya ing komandante pota pamindangan de i Pablo. Inya inutus na karing sundalus na ing tipa la king kapulungan at ilako re libutad da i Pablo at idala re king kilub ning kuartel.

Ding Dapat 5:33

Mimua la ding miembru na ning Konsehu inyang dimdam da iti, inya inari da king lub da ing ipapate da la ring apostol.

Ding Dapat 7:54

Inyang dimdam da iti ding miembru na ning Konsehu kang Esteban mimua la at mitigis a ipan king kamua ra keya.

Ding Dapat 7:57

Kinulisak lang masikan at tikpan da la ring balugbug da at delusungan de i Esteban.