Lucas 23:43 - Ing Mayap a Balita Biblia

⁴³ Nganang Jesus keya, Ing katutuan sasabian ku keka: ngeni mu rin akayabe da ka king Paraiso.

Lucas 23:43 Iomraidhean Croise

Ding Dalit 32:5

Kanita linapit ku keka, Ginu, at pigtapat sablang kasalanan a makasalikut kaku. Ngaku, Ikumpisal ku king Ginu ing sablang kakung kasalanan; at keka namang deyu ing beyatan ning kakung kasalanan.

Ding Dalit 50:15

King oras ning kekong kaguluan maus kayu kaku; iligtas da kayu at parangalan yu ku.

Isaias 53:11

Kaybat ning bie nang mitmung kasakitan, pasibayu yang mika kaligayan; abalu na king e mewalang kabaldugan ing keyang kasakitan. Ing tapat kung talasuyu a tutu kung pitutulan tanggapan na ing parusang mangaintulid karing dakal, at alang-alang keting talasuyu patawaran ku la.

Isaias 65:24

Pakibatan kung agad ing panalangin da bayu ra pa ayari ing panalangin da kanaku.

Mikeas 7:18

Ala nang dios a anti keka, O Ginu; patawaran mu la ding kasalanan da ring kekang memalen a mitagan. E manatili kabang-kaba ing mua mu, nune matula mung papakit kekami ing ala mung kupas a lugud.

Lucas 19:10

Uling dinatang ya ing Anak ning Tau ban panintunan na la at iligtas ding mebating.

Lucas 23:42

At kaybat sinabi na kang Jesus, Jesus, e mu ku sana kakalinguan potang datang na ka king kekang kayarian!

Juan 14:3

At nung miras na ku at mekapagsadiang lugal para kekayu, mibalik kung pasibayu keti at ituki da kayu ban nung nu ku karin, karin kayu naman.

Juan 17:24

Ibpa, buri ku king nung nu ku karin kayabe ku la ding binie mu kanaku ban akit da ing binie mung kaligayan kanaku, uling liguran mu na ku bayu ya melalang ing yatu.

2 Corinto 5:8

Masikan tamu lub; buri ta neng lakuan ing katawan ban manuknangan kayabe na ning Ginu.

Filipos 1:23

Makasipit ku karing aduang bage: tune kung buring lakuan ing bie'ng iti ban makapakiabe na ku kang Cristo at iti alang kasimpara kayapan;

Hebreo 7:25

Inya agyu na lang iligtas ngeni at kapilan man ding sablang lalapit king Dios king kapamilatan na, uling mabie ya kapilan man ban mamilatan king arap ning Dios para karela.

Kapahayagan 2:7

Nung atin kang balugbug, pakiramdaman mu ing sasabian na ning Espiritu karing iglesia! Ibie ku karing magtagumpe ing katuliran mangan king bunga na ning tanaman ning bie a atyu king Hardin ning Dios.