Lucas 23:41 - Ing Mayap a Balita Biblia

⁴¹ Matulid para kekata ing magdusang anti kaniti uli na ning depat tang marawak; oneng ya ala yang bitasang depat a marawak.

Lucas 23:41 Iomraidhean Croise

2 Cronica 33:12

Uli na ning kasakitan a delanan na, migpakumbaba ya at minaus king Ginu, ing Dios da ring makatua na.

Ezra 9:13

Kaybat mi lang pipulan ding depat ming kasalanan at dewakan, balu mi, O Dios, king mayan mu ing parusang pepagpa mu kekami, at peintulut mu ing ating mitagan kekami.

Nehemias 9:3

Makatalakad la karing lugal da kilub ning atlung oras kabang mababasa ya ing Kautusan ning Ginung karelang Dios. At karing tutuking atlung oras pigtapat da ing depat dang pamikasala, at simban de ing Ginung karelang Dios.

Daniel 9:4

Menalangin ku king Ginung kanakung Dios at kilala ku la king arapan na ding kasalanan da ring kabalen ku. Ngaku, Ginung Dios, mitmu kang dangalan at ikami gagalangan da ka. Tapat ka king kasunduan mu at papakit kang lugud a e kukupas karetang malugud keka at tutupad karing kekang kautusan.

Mateo 27:19

Kabang makalukluk ya pa i Pilato king husgadu, atin yang pepasabi keya ing asawa na. Ngana, E ka makialam king taung yan a alang kasalanan, uling meligalig kung e mu nanu king paninap ku nabengi tungkul keya.

Mateo 27:24

Inyang ikit nang Pilato king ala neng akarapat at pota mika kaguluan pa, pepakua yang danum at inos na la ding gamat na king arapan da ring sablang tau at ngana, Ala kung pakibatan king kamatayan na ning taung ini! Ikayung bala kanyan!

Mateo 27:4

Nganang sinabi, Mikasala ku king taung alang kasalanan! Ngarang mekibat, Nanung pakialam mi kanita? Problema mu nang sarili yan!

Mateo 27:54

Inyang ikit nang minayun ning kapitan ampon ding sundalus a kayabe nang magbante kang Jesus at ikit da ing sablang mepalyari, mitakutan la at ngarang sinabi, Tutu pin ing Anak ne ning Dios!

Lucas 23:40

Oneng sebianan ne ning metung ing kayabe na. Ngana, Ala na kang takut king Dios? Ing parusang tinggap mu kaparehu ne ning keya.

Lucas 23:42

At kaybat sinabi na kang Jesus, Jesus, e mu ku sana kakalinguan potang datang na ka king kekang kayarian!

1 Tesalonica 2:10

Testigu kayu at ing Dios king meging tapat kami, matulid at masalese mekiabe kekayung talasalpantaya.

Santiago 4:7

Inya, pailalam kayu king upaya na ning Dios. Labanan ye ing diablo, at dumayu ya kekayu.

1 Pedro 1:19

Meging malaya kayu king alang kalupang ulaga na ning sakripisyu nang Cristo a mengaring metung a biserung tupang alang dipektu o nanumang kapintasan.

1 Pedro 2:23

E ya minablas insultu inyang ininsultu de; e na inisip ing ganti ya inyang pepasakitan de, nune peniwala na ing sarili na king Dios, ing Ukum a makatuliran.