Lucas 23:4 - Ing Mayap a Balita Biblia

⁴ Nganang sinabing Pilato karing pamuntuk da ring pari at karing tau, Ala kung akakit a pamikasala na niting tau.

Lucas 23:4 Iomraidhean Croise

Mateo 27:19

Kabang makalukluk ya pa i Pilato king husgadu, atin yang pepasabi keya ing asawa na. Ngana, E ka makialam king taung yan a alang kasalanan, uling meligalig kung e mu nanu king paninap ku nabengi tungkul keya.

Marcos 15:14

Baket, nanung kasalanan ing depat na? nganang kinutang Pilato. Lalu rang pekasikan ing kulisak, Ipaku ya king krus!

Lucas 23:22

Nganang Pilato karela king katlung besis, Baket, nanung gewa nang marawak? Ala kung akakit a sangkan ba yang magdusang kamatayan. Ipabarug keng latiku kaybat ipabulus ya.

Juan 18:38

Nganang kinutang Pilato, Nanu ing katutuan? Kaybat nang asabi iti, pasibayu na lang liwalan Pilato ding Judio. Ngana karela, Ala kung ikit a kasalanan na.

Ding Dapat 25:25

Oneng e ku manakit nanumang depat na a mangaintulid mo sanang sentensiang kamatayan. At anti na ning ya mismu minapelar ya king Emperador, birian ku nang ipadala ke keya.

Ding Dapat 3:13

Ing Dios nang Abraham, Isaac, Jacob, at ing Dios ding kekatamung makatua ya ing pepaligaya king Talasuyu nang i Jesus. Oneng ikayu ing peparakap keya at kaybat tinggian ye king arapan nang Pilato, agyamang buri neng ipabulus Pilato.

Hebreo 7:26

Uli na niti, matulid ing mika Pekapun tamung Pari a munie king kekatamung kailangan. Uling banal ya i Jesus; ala yang kamalian o kasalanan; mikawani ya karing taung makasalanan at mitas yang matas pa king banua.

1 Pedro 1:19

Meging malaya kayu king alang kalupang ulaga na ning sakripisyu nang Cristo a mengaring metung a biserung tupang alang dipektu o nanumang kapintasan.

1 Pedro 2:22

E ya dinapat nanumang pamikasala; alang metung mang kalaraman a meramdam karing labi na.

1 Pedro 3:18

Uling i Cristo mismu mete ya para karing kekayung kasalanan, misan mu at para king kapilan pa man, ing taung banal para karing taung makasalanan, ban kanita akua na katamung ilapit king Dios. Pete re ing katawan na, oneng sinubli yang mebie bilang espiritual,