Lucas 23:25 - Ing Mayap a Balita Biblia

²⁵ Binulus ne ing taung mesukul uli na ning pamangulu at pamakamate tau, at binie ne i Jesus karela ban gawan da ing buri dang daptan keya.

Lucas 23:25 Iomraidhean Croise

Ester 3:11

Ngana ning ari, Keka na la ding salapi at ding tau; daptan mu itang buri mung daptan karela.

Mateo 27:26

Pepabulus ne kanitang Pilato i Barabas at pepabarug na ne mang latiku i Jesus, at saka ne binie karela ba reng ipaku king krus.

Marcos 15:15

King kapagnasan nang apamatulan na lang Pilato ding tau, pepabulus ne i Barabas; pepabarug neng latiku i Jesus at kaybat binie ne karela ban ipaku re king krus.

Lucas 23:2

Pegumpisan dang inapag ing dalum laban kang Jesus. Ngara, Arakap mi ya ing taung iti; susutsutan na la ding kabalen mi at babawal na lang mamayad buis king Emperador at sasabian na pa king ya mismu ing Cristo, ing ari.

Lucas 23:24

Inya sildak nang Pilato kang Jesus ing atul a aduan da.

Lucas 23:26

Inyang dela ra ne i Jesus ban ipaku king krus, akasalubung de ing metung a lalaking ibat king baryu. Ing lagyu na Simon; tau ya Cirene. Pinigil de at pepapusan ing krus kang Simon kagulutan nang Jesus.

Lucas 23:5

Oneng pipilit dang sasabian, King kapamilatan na ning turu na guguluan na la ding tau king mabilug a Judea. Megumpisa ya karin Galilea at ngeni miras ne keti.

Juan 18:40

Ngarang kinulisak mekibat, Ali mi ya, aliwa ya, nune i Barabas! (Metung yang tulisan i Barabas.)

Juan 19:16

Kanita binie na neng Pilato karela i Jesus ba reng ipaku king krus. Inya kinua re i Jesus.

Ding Dapat 3:14

Banal ya at mayap, oneng tinggian ye at inawad kang Pilato, antimong dapat nang mayap kekayu, ing ibulus ne ing metung a mekamate tau

1 Samuel 12:13

Oyni ing aring inawad yo; binie ne kekayu ning Ginu.