Lucas 23:2 - Ing Mayap a Balita Biblia

² Pegumpisan dang inapag ing dalum laban kang Jesus. Ngara, Arakap mi ya ing taung iti; susutsutan na la ding kabalen mi at babawal na lang mamayad buis king Emperador at sasabian na pa king ya mismu ing Cristo, ing ari.

Lucas 23:2 Iomraidhean Croise

1 Ari 18:17

Nganang Ahab inyang akatagpu ne, Ika pala ing mapanggulu king Israel!

Ding Dalit 35:11

Ding malaram a testigu linto la, at e katutuan ing kaku bibintang da.

Ding Dalit 62:4

Ing bukud yung nasa ya ing milako ya king marangal a kabilian. Ing tula yu ya ing magsalitang kalaraman, karing labi yu kekayu yang pamurian, oneng ing pusu yu mitmu yang kapanyiran.

Jeremias 20:10

Ding sabla daramdaman ku lang bubulung Makapadurut kekatamu ing makapangilabut! Isumbung ta ya karing atyu king kayupayan! Agyang ding matalik kung kakaluguran panenayan da ing kakung pangabagsak. Ngarang sasabi, Marahil akua nang malinlang; kanita arakap ta ya at apagbengansan.

Jeremias 38:4

Kanita minta la king ari ding opisyal at sinabi ra, Makamal a Ari, sukat yang paten ing lalaking iti. Painan na la lub ding sundalus na ning siudad king pamagsalita nang makanyan; daraptan na ing anti kanyan pati na karing taung mitagan king siudad. E na la sasaupan ding memalen; buri namu ing kapahamakan.

Amos 7:10

Kanita i Amazia, ing pari ning Betel, pepabalita na kang Aring Jeroboam ning Israel iti. Ngana, Atin yang tatangka i Amos laban keka libutad da ring memalen ning Israel. Ing pamagsalita na ya ing makasira king balen.

Zacarias 11:8

Milako ku kapibabatan karing atlung pastul a masama kanaku. At kilub na mu ning pabulan tinabi ku la.

Mateo 17:27

Makanyan man, ba lang alang asabi ding taung den, munta ka king dagat-dagatan at mamaduas ka; kabud asaka me ing mumunang diling akua mung asan, paslan me balungus at kilub na manakit kang metung a salaping pilak. Sapat ne iting pamayad king buis ku ampon king buis mu king Templo; kuanan me at bayaran mu ing kekatang buis.

Mateo 22:21

Ngarang mekibat, King Emperador la. Inya nganang Jesus karela, Nung makanyan, ibie yu king Emperador ing mangaintulid king Emperador, at ibie yu king Dios ing mangaintulid king Dios.

Mateo 27:11

Inarap de kang Pilato i Jesus. Ika pin ing Ari da ring Judio? nganang kinutang ning Gobernador. Nganang mekibat Jesus, Ika mismu ing sasabi.

Marcos 12:17

Inya nganang Jesus karela, Nung makanyan ibie yu king Emperador ing mangaintulid king Emperador, at ibie king Dios ing mangaintulid king Dios. At mengapamulala la ngan kang Jesus.

Marcos 15:2

Ika pin ing Ari da ring Judio? nganang kinutang Pilato. Ika mismu sasabian mu, ngana namang mekibat Jesus.

Lucas 23:14

at sinabi na karela, Delum ye kanaku iting tau king kasalanan a pamaniutsut karing tau. Ngeni, siniasat ke king arapan yu at ala kung ikit a pamikasala na karing bage susumbung yu.

Lucas 23:5

Oneng pipilit dang sasabian, King kapamilatan na ning turu na guguluan na la ding tau king mabilug a Judea. Megumpisa ya karin Galilea at ngeni miras ne keti.

Juan 18:29

Inya liwalan na lang Pilato at kitang na karela, Nanung dalum ing yarap yu laban king taung iti?

Juan 18:30

Pekibat da, Nung e ya dinapat e mayap ing taung iti, e mi ya sa dela keka.

Juan 19:12

Inyang dimdam nang Pilato iti, pigkapilitan neng ipabulus i Jesus. Oneng ngarang kinulisak ding Judio, Nung ibulus me ing taung yan, e na ka kakaluguran ning Emperador! Ing ninumang gagawang ari king sarili na, kalaban ne ning Emperador!

Ding Dapat 24:13

Ala lang malyaring ipalad a ebidensya tungkul king karelang susumbung laban kanaku.

Ding Dapat 24:5

Ikit-ikit mi king ing taung ini nung wari sana, meging metung yang sakit a mapanganib; nu ya man miraras a suluk keti king yatu guguluan na la ding Judio at metung yang manimuna king sekta da ring Nazareno.

Roma 13:7

Inya bayaran yu itang pakibatan yu karela; bayaran yu ing buis yu para king kekayung sarili at para king pibandian yu, at ibie yu ing karapatdapat at kagalangan karing mangaintuliran.