Lucas 22:44 - Ing Mayap a Balita Biblia

⁴⁴ Uli na ning mabayat a panamdam na, lalu yang menalangin taimtim; tutulu ing pawas na a mengaring dayang papatak king gabun.]

Lucas 22:44 Iomraidhean Croise

Isaias 53:10

Ngana ning Ginu, Kaburian ku ing dumalan yang kasakitan; metung yang ain-sakripisyu ing kamatayan na ban mipatawaran ing kasalanan. Inya akit na lang lahi na; kumaba ya bie at king kapamilatan na ing parasan ku magtagumpe.

Ding Tagulele 1:12

Lawan yu ku, ngana karing sablang taung daralan. Ala pang mika kapanamdaman king kakung kasakitan; ing kasakitan a pepagpa ning Ginu king panaun ning mua na kaku.

Lucas 22:45

Kaybat nang menalangin, tinikdo ya at belikan na la ding alagad na. Disnan na lang matudtud uli na ning maragul dang kalungkutan.

Juan 12:27

Ngeni mababalisa ku pamisip. Nanu ing sabian ku? Sabian ku wari, Ibpa, iligtas mu ku king oras a iti? Ali, uling iti yang sangkan nung inya dinatang kuban dikilan ing kasakitan a iti.

Roma 8:32

E ne pepasubalian pati na ing sariling Anak na, nune inain ne para king ikakayap tamu! Nung pati Anak na binie na kekatamu, ipagkaymut na pa kaya kekatamu ing nanumang malyaring aibie na?

Hebreo 5:7

King kekaban na ning bie na king yatu, miyain yang panalangin i Jesus at menigapu yang masikan at menangis arap ning Dios a makapagligtas king kamatayan na. Uli na ning migpakumbaba ya at memintu, pekiramdaman ne ning Dios.