Lucas 22:41 - Ing Mayap a Balita Biblia

⁴¹ Dinayu yang bagya karela; siniklaud ya at menalangin.

Lucas 22:41 Iomraidhean Croise

Mateo 26:39

Sinulung ya pang bagya; migsakab ya king gabun at nganang menalangin, Ibpa ko, nung malyari, idayu me kanaku iting kopa! Oneng aliwa ing kaburian ku, nune ing keka ya ing matupad.

Marcos 14:35

Sinulung ya pang ditak at saka ya menalangin makasakab king gabun king e sa daratang ing oras ning kasakitan na.

Lucas 18:11

Tinalakad ya ing Pariseo at nganang menalangin king sarili na, O Dios, pasalamat ku keka king e ra ku kalupa ding aliwang tau; e ku mapanako, e ku mapamirait, e ku makipangalugud o kalupa na ning talapanyingil buis a ini.

Lucas 18:13

Oneng makatalakad yang marayu ing talapanyingil buis; e ya man bisang matna banua, nune durugdugan ne ing salu na at sasabian na: O Dios, malunus ka kanaku; metung kung makasalanan!

Ding Dapat 20:36

Kayari nang migsalitang Pablo, siniklaud yang kayabe ra at menalangin.

Ding Dapat 21:5

Inyang miras ing oras a lakuan mi na la, meko kami mu rin at sindu mi ing kekaming pamaglayag. Ila ngan, pati asawa ra at anak, inatad da kami angga king lual ning siudad. Siniklaud ke ngan king pasigan at menalangin.

Ding Dapat 7:60

Siniklaud ya at kilisak nang masikan, Ginu, e mu sa ipaparsala karela iti! Mete ya kaybat nang asabi iti.

Ding Dapat 9:40

Pepalualan na la ngan Pedro king kuartu, kaybat siniklaud ya at menalangin; inarapan ne ing bangke at ngana, Tabita, talakad ka! Migmulagat ya at tinalakad ya inyang ikit ne i Pedro.

Hebreo 5:7

King kekaban na ning bie na king yatu, miyain yang panalangin i Jesus at menigapu yang masikan at menangis arap ning Dios a makapagligtas king kamatayan na. Uli na ning migpakumbaba ya at memintu, pekiramdaman ne ning Dios.